LECCION 19
Deverasan Cristiano Ba el Maga Testigo de Jehova?
Como maga Testigo de Jehova, ta creé kame que maga deverasan Cristiano kame. Porque? Sabe si onde base el cosa kame ta creé, el nombre que ta usa kame y el amor que tiene kame con uno y otro.
1. Onde tan base el maga Testigo de Jehova con el cosa sila ta creé?
Si Jesus ya habla con Dios: “El de Uste Palabra amo el verdad.” (Juan 17:17) Igual con Jesus, el maga Testigo de Jehova pirmi tan base con el cosa sila ta creé na Biblia. Por ejemplo, mira si paquemodo kame este ya hace principia de antes. Na maga año 1870, un grupo de maga estudiante del Biblia el ya estudia enbuenamente con el Palabra del Dios. Yan base sila el cosa sila ta creé na Biblia maskin otro se na enseñanza del iglesia. Despues, ya principia sila habla con otro el cosa sila ya puede aprende. a
2. Porque ta llama kanamon maga Testigo de Jehova?
Ta llama si Jehova con el de suyu maga siervo como de suyu maga testigo cay ta habla sila el verdad acerca con ele. (Maga Hebreo 11:4–12:1) Por ejemplo, de antes, ele ya habla con el de suyu maga siervo: “Ustedes el de mio maga testigo.” (Le con el Isaias 43:10.) Ya llama con Jesus como “el fiel Testigo.” (Revelacion 1:5) Poreso, del 1931, ya principia kame usa con el nombre maga Testigo de Jehova. Y alegre kame usa con este nombre.
3. Paquemodo el maga Testigo de Jehova ta imita el amor de Jesus?
Ta ama gayot si Jesus con el de suyu maga dicipulo que dol familia ya sila de suyu. (Le con el Marcos 3:35.) Na igual manera, el maga Testigo de Jehova amo un unido familia na entero mundo. Amo se el razon si porque kame ta llama con uno y otro maga hermano y hermana. (Filemon 1, 2) Ta obedece tambien kame con este mandamiento: “Si quien ta ama con el Dios, necesita ama tamen con su hermano y hermana.” (1 San Juan 4:21) Ta dale kame mira amor na manada manera, igual si ta ayuda kame con el diamon maga hermano y hermana na entero mundo na tiempo que necesita sila.
APRENDE PA MAS
Aprende pa mas acerca na historia del maga Testigo de Jehova y mira con el otro evidencia que maga deverasan Cristiano kame.
El maga deverasan Cristiano tan base con el cosa sila ta creé na Biblia y ta habla este con otro
4. Tan base kame el cosa kame ta creé na Biblia
Ya habla ya daan si Jehova que el maga gente hay puede mas entende con el Biblia. Le con el Daniel 12:4 y footnote, y despues, discuti con este pregunta:
-
Cosa hay “queda abundancia” mientras ta continua estudia el maga siervo del Dios con el Biblia?
Considera si paquemodo el un grupo de maga estudiante del Biblia, incluido si Charles Russell, ya estudia con el Palabra del Dios. Man play con el VIDEO y despues, discuti con este pregunta.
-
Na video, paquemodo si Charles Russell y de suyu maga uban ya estudia con el Biblia?
Sabe ba tu?
Tiene vez, ta hace kame maga cambio na cuanto del cosa kame ta creé. Porque? Igual si paquemodo hinay-hinay ta queda claro el un lugar mientras ta subi el sol, hinay-hinay tambien el Dios ta hace mas claro con el de suyu Palabra. (Le con el Proverbio 4:18.) El Biblia gendeh ta cambia. Pero mientras mas ta entende kame con este, ta hace kame maga cambio na diamon enseñanza.
5. Ta man testigo kame
Porque kame ya usa con el nombre maga Testigo de Jehova? Man play con el VIDEO y despues, discuti con el pregunta.
-
Porque justo que ta llama kanamon maga Testigo de Jehova?
Porque si Jehova ya iscuji maga gente para queda de suyu maga testigo? Cay hay manda sila sabe que ele el verdadero Dios ciendo manada ta habla imbusterias acerca con ele. Considera con el dos de ese.
El cuanto maga religion ta enseña na diila maga miembro que quierre el Dios que usa sila maga imagen na diila adoranza. Pero, le con el Levitico 26:1 y despues, discuti con este maga pregunta:
-
Cosa el verdad? Cosa ta sinti si Jehova acerca na maga idolo?
El cuanto maga lider de religion ta enseña que si Jesus amo el Dios. Pero, le con el Juan 20:17 y despues, discuti con este maga pregunta:
-
Cosa el verdad? El Dios ba y si Jesus un persona lang?
-
Cosa tu ta sinti cay ya manda si Jehova con el de suyu maga Testigo que predica con el verdad acerca con ele y con el de suyu Anak?
6. Ta ama kame con uno y otro
El Biblia ta compara con el maga Cristiano na un cuerpo del gente. Le con el 1 Corinto 12:25, 26 y despues, discuti con este maga pregunta:
-
Cosa debe hace el maga deverasan Cristiano si el otro maga Cristiano ta sufri?
-
Cosa tu ya puede observa acerca na amor entre na maga Testigo de Jehova?
Si ta sufri el maga Testigo de Jehova na un lugar, el otro maga Testigo de Jehova na entero mundo ta pricura dayun ayuda. Para mira un ejemplo, man play con el VIDEO. Despues, discuti con el pregunta.
-
Paquemodo el maga Testigo de Jehova ta demonstra amor si tiene calamidad?
El maga deverasan Cristiano ta dale mira amor
EL CUANTO TA HABLA: “El maga Testigo de Jehova amo un nuevo religion lang.”
-
Desde cuando pa ta llama si Jehova con el de suyu maga siervo como maga testigo?
SUMARIO
Maga deverasan Cristiano el maga Testigo de Jehova. Un familia kame na entero mundo quien tan base con el cosa kame ta creé na Biblia. Ta manda tambien kame sabe con otro el verdad acerca con Jehova.
Repaso
-
Porque ta llama kanamon maga Testigo de Jehova?
-
Paquemodo kame ta trata con uno y otro?
-
Para contigo, maga deverasan Cristiano ba el maga Testigo de Jehova?
SABE PA MAS
Aprende pa mas acerca na diamon historia.
Jehovah’s Witnesses—Faith in Action, Part 1: Out of Darkness (1:00:53)
Mira un ejemplo si paquemodo el maga Testigo de Jehova ya hace claro con el maga falso enseñanza.
El Maga Siervo del Dios Ta Glorifica con el De Suyu Nombre (7:08)
Sabe el contestacion na maga pregunta que posible tiene tu acerca na maga Testigo de Jehova.
“Maga Comon Pregunta Acerca na Maga Testigo de Jehova” (web page)
No quierre gayot si Stephen con el maga gente de otro raza poreso ya participa le na maga crimen contra kanila. Sabe si cosa le ya mira na maga Testigo de Jehova que ya manda con ele move para cambia.
“El De Mio Vida Ya Queda Mas Umalin” (The Watchtower, Julio 1, 2015)
a Desde 1879, ya hace con el The Watchtower magasin para explica si cosa ta habla el Biblia.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
