Organizao clase de Dios si Jehova. (1 Corinto 14:33) Poreso, puede kita expecta que el de suyu maga siervo organizao tambien. Paquemodo ta organiza con el congregacion? Na cosa manera kita puede suporta con este?

1. Quien el cabeza o lider del congregacion?

“Si Cristo amo el Cabeza del Iglesia [“congregacion,” NWT].” (Efeso 5:23) Estaba na cielo, ta guia le con el maga actividad del maga siervo de Jehova. Si Jesus ya iscuji con el “fiel y sabio esclavo”—un diutay grupo de maga experienciao anciano que conocido tambien como el Cuerpo Gobernante. (Le con el Mateo 24:45-47, NWT.) Igual con el maga apostoles y maga anciano na Jerusalem del primer siglo, el Cuerpo Gobernante ta dale direccion na maga congregacion na entero mundo. (Maga Actividad 15:2) Pero gendeh sila el maga lider del diamon organizacion. Ta busca sila el guia de Jehova na Biblia y ta sigui con el direccion de Jesus.

2. Cosa el papel del maga anciano?

El maga anciano amo maga fiel hombre Cristiano quien ya dura ya ta sirvi. Ta enseña sila con el maga siervo de Jehova usando el Biblia. Ta ayuda y ta anima tambien sila kanila. Gendeh ta paga con el maga anciano para na cosa sila ta hace. Sino, ta sirvi sila ‘con alegria, gendeh por causa del pago, sino cay quierre gayot sila.’ (1 Pedro 5:1, 2) Ta asisti kanila el maga siervo ministerial, quien algun dia puede tambien queda cualificao para sirvi como maga anciano.

El Cuerpo Gobernante ta iscuji cuanto anciano para queda circuit overseer. Ta visita sila con el maga congregacion para dale guia y hace fuerte con el maga hermano y hermana. Ta iscuji tambien sila maga hermano quien cualificao asegun na Biblia para queda un siervo ministerial o un anciano.—1 Timoteo 3:1-10, 12; Tito 1:5-9.

3. Cosa el papel del cada uno del maga Testigo de Jehova?

El todo na congregacion ‘ta alaba con el nombre de Jehova’—ta participa sila na maga miting y na ministerio asegun na diila circumstancia.—Le con el Salmo 148:12, 13.

 APRENDE PA MAS

4. Un buen lider si Jesus

Ta dale kanaton si Jesus un bonito invitacion. Le con el Mateo 11:28-30 y despues, discuti con este pregunta:

• Cosa clase de lider si Jesus y cosa le quierre que sinti kita?

5. Ta enseña el maga anciano por medio na diila ejemplo

1. El maga anciano ta mentena con el diila espiritualidad y del diila familia

2. El maga anciano ta cuida con todo na congregacion

3.   El maga anciano regular ta predica

4. El maga anciano ta enseña con el congregacion. Ta ayuda tambien sila limpia y hace otro trabajo

6. Puede kita suporta con el maga anciano

El Biblia ta dale kanaton un importante razon si porque kita debe suporta con el maga anciano. Le con el Maga Hebreo 13:17 y despues, discuti con este maga pregunta:

• Porque el Biblia ta habla que debe kita obedece con aquellos quien ta guia con el congregacion? Ta mira tu, justo ba este?

Le con el Lucas 16:10 y despues, discuti con este pregunta:

• Porque kita debe pirmi obedece con el maga anciano, maskin na maga cosas que ta pensa kita que dol gendeh importante?

 SUMARIO

Si Jesus el cabeza del congregacion. Alegre kita obedece con el maga anciano quien ta sirvi bajo con ele cay ta dale sila alivio kanaton y ta enseña kanaton por medio na diila ejemplo.

Repaso

• Quien el cabeza del congregacion?

• Paquemodo el maga anciano ta ayuda con el congregacion?

• Cosa el papel del cada uno del maga Testigo de Jehova?