LECCION 21
Paquemodo Ta Predica con el Buen Noticia?
Gendeh dura, si Jehova hay usa con el de suyu Reino para quita con el todo diaton maga problema. Bonito gayot se noticia y debe se sabe el otro. Quierre si Jesus que el de suyu maga siguidores hay habla este mensaje con todo! (Mateo 28:19, 20) Paquemodo ta cumpli el maga Testigo de Jehova con el mandato de Jesus?
1. Paquemodo el Mateo 24:14 ta cumpli ahora?
Si Jesus ya habla: “Este Buen Noticia acerca del Reino ay anuncia na entero mundo.” (Mateo 24:14) El maga Testigo de Jehova alegre participa na este importante trabajo. Ta predica kame con el buen noticia na entero mundo na mas de 1,000 lengguaje! Necesita organiza y hace grande esfuerzo para hace con este trabajo. Gendeh con este puede hace si nuay el ayuda de Jehova.
2. Cosa maga esfuerzo kame ta hace para predica con el maga gente?
Ta predica kame si onde tiene gente. Igual na maga Cristiano del primer siglo, ta predica kame “na maga casa.” (Maga Actividad 5:42) Na este manera, ta puede kame predica con el millones de maga gente cada año. Ciendo el maga gente gendeh pirmi ta esta na casa, ta predica tambien kame na manada maga publico lugar. Ta busca kame pirmi oportunidad para habla con otro acerca con Jehova y de suyu maga proposito.
3. Quien el tiene responsibilidad para predica con el buen noticia?
El todo maga deverasan Cristiano tiene responsibilidad para predica con el buen noticia con otro. Serioso kame ta hace con el diamon responsibilidad. Depende na diamon personal circumstancia, ta hace kame esfuerzo para predica cay sabe kame que puede este salva con el vida del maga gente. (Le con el 1 Timoteo 4:16.) Gendeh kanamon ta paga para hace con este trabajo cay el Biblia ta habla: “Ya recivi ustedes libre; dale lang tamen libre.” (Mateo 10:7, 8) Gendeh todo ta acepta con el diamon mensaje. Pero, ta continua lang siempre kame predica cay parte este del diamon adoranza y ta hace este alegre con Jehova.
APRENDE PA MAS
Sabe pa mas acerca na esfuerzo del maga Testigo de Jehova para predica na entero mundo y mira si paquemodo ta ayuda si Jehova kanamon.
Predicacion na entero mundo: (A) Costa Rica, (B) United States, (C) Benin, (D) Thailand, (E) Yap, (F) Sweden
4. Ta pricura kame alcanza con el todo maga gente
El maga Testigo de Jehova ta hace gayot esfuerzo para predica con el buen noticia con el maga gente maskin donde. Man play con el VIDEO y despues, discuti con este pregunta.
-
Cosa tu ta aprecia acerca na maga esfuerzo que ta hace el maga Testigo de Jehova para predica?
Le con el Mateo 22:39 y Roma 10:13-15, y despues, discuti con este maga pregunta:
-
Paquemodo el diamon ministerio ta dale mira que ta ama kame con el diamon maga vecinos?
-
Cosa ta sinti si Jehova acerca con aquellos quien ta predica con el buen noticia?—Mira con el versiculo 15.
5. Ta trabaja kame junto con Dios
Manada maga experiencia ta dale mira que ta guia si Jehova con el diamon trabajo. Por ejemplo, un tarde na New Zealand, el un hermano que si Paul ya conoce con el un mujer na predicacion. Aquel mismo aga, el mujer ya reza con Dios usando el de suyu nombre, Jehova, y ya pidi que ojala tiene quien hay visita con ele. “Tres hora despues, ya llega yo na de suyu casa,” ya habla si Paul.
Le con el 1 Corinto 3:9 y despues, discuti con este pregunta:
-
Na cosa manera el maga experiencia igual na New Zealand ta dale mira que ta guia si Jehova con el trabajo predicacion?
Le con el Maga Actividad 1:8 y despues, discuti con este pregunta:
-
Porque kame necesita el ayuda de Jehova para cumpli con el diamon ministerio?
Sabe ba tu?
Cada semana, na diamon midweek miting, ta ricibi kame training para ayuda kanamon predica. Si ya atende ya tu na este maga miting, cosa tu puede habla na training que ta dale?
6. Ta obedece kame con el mandato del Dios que predica
Del primer siglo, aquellos quien tan contra con el maga siguidores de Jesus ya pricura hace descanza con el predicacion. El maga Cristiano de antes ya defende con el diila derecho para predica—‘legal sila ya establicia con el buen noticia.’ (Filipo 1:7, NWT) Ansina tambien el maga Testigo de Jehova ta hace ahora. a
Le con el Maga Actividad 5:27-42 y despues, discuti con este pregunta:
-
Porque kame gendeh ta descanza predica?—Mira con el versiculo 29, 38 y 39.
POSIBLE TIENE QUIEN PREGUNTA: “Porque ta anda casa en casa el maga Testigo de Jehova?”
-
Cosa tu hay contesta?
SUMARIO
Si Jesus ya manda con el de suyu maga siguidores que predica con el buen noticia na todo maga nacion. Si Jehova ta ayuda con el de suyu maga siervo para hace con este trabajo.
Repaso
-
Paquemodo ta predica con el buen noticia na entero mundo?
-
Paquemodo el diamon ministerio ta dale mira que ta ama kame con otro?
-
Para contigo, el trabajo predicacion ba puede hace alegre kanaton? Porque?
SABE PA MAS
Mira si paquemodo el maga Testigo de Jehova ta predica na maga grande ciudad.
Paquemodo el maga Testigo de Jehova ya predica na maga refugee?
Ta Satisfecha con el Espiritual Necesidad del Maga Refugee (5:59)
Sabe si porque alegre el un hermana que ya usa le de suyu vida na predicacion.
Sabe acerca con el cuanto maga importante decision del corte que ya hace mas facil para predica con el buen noticia.
“Kingdom Preachers Take Their Case to Court” (God’s Kingdom Rules!, capitulo 13)
a El Dios el quien ya dale kanamon el autoridad para predica. Poreso el maga Testigo de Jehova gendeh necesita permiso estaba na maga autoridad del gente para predica con el buen noticia.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
