LECCION 28
Dale Mira Apresacion na Cosa Ya Hace si Jehova y si Jesus Para Contigo
Cosa tu sinti si el de tuyu amigo ya dale contigo un bonito regalo? Asigurao queda gayot tu alegre y quierre tu dale mira na de tuyu amigo que ta aprecia tu con el regalo. Si Jehova y si Jesus ya dale kanaton el de con todo bonito regalo que puede kita ricibi. Cosa se y paquemodo kita puede dale mira que ta aprecia kita con ese?
1. Cosa el un manera para puede kita dale mira apresacion na cosa ya hace el Dios y el Cristo para kanaton?
El Biblia ya promete que “aquellos quien ay tene fe con [Jesus]” puede vivi hasta para cuando. (Juan 3:16, El Nuevo Testamento) Cosa quierre decir que tene fe? Gendeh se quierre decir que creé lang kita con Jesus. Necesita tambien kita dale mira el diaton fe na maga decision y na maga cosas que ta hace kita. (Santiago 2:17) Si ta dale kita mira el diaton fe por medio na cosa kita ta hace y ta habla, ta hace kita fuerte el diaton relacion con Jesus y con el de suyu Tata, si Jehova.—Le con el Juan 14:21.
2. Cosa especial ocasion el puede ayuda kanaton para dale mira el diaton apresacion na cosa ya hace si Jehova y Jesus?
El noche antes le muri, si Jesus ya habla con el de suyu maga siguidores acerca na otro manera para puede sila dale mira apresacion na de suyu sacrificio. Ya introduci le kanila el un ocasion que el Biblia ta llama “el Cena del Señor,” que conocido tambien como el Comemoracion del Muerte del Cristo. (1 Corinto 11:20) Ya hace este si Jesus para el de suyu maga apostoles—y el todo maga deverasan Cristiano sunod kanila—hay acorda que ya dale le el de suyu vida para kanaton. Poreso, ya manda si Jesus: “Hace este para acorda conmigo.” (Lucas 22:19) Si ta atende tu na Comemoracion, ta dale tu mira el de tuyu apresacion na grande amor que ya dale kanaton si Jehova y si Jesus.
APRENDE PA MAS
Examina con el maga manera que puede tu dale mira apresacion na grande amor que ya dale mira si Jehova y si Jesus. Considera el importancia del Comemoracion del muerte del Cristo.
3. El apresacion ta manda kanaton move para actua
Imagina que tiene quien ya salva contigo cuando tan lumus tu. Ulvida lang ba tu el cosa le ya hace para contigo? O hay busca tu maga manera para dale mira con ele que ta aprecia tu el cosa le ya hace?
Ta rindi kita gracias con Jehova cay ya salva le el diaton vida. Le con el 1 San Juan 4:8-10 y despues, discuti con este maga pregunta:
-
Porque el sacrificio de Jesus un especial regalo?
-
Cosa tu ta sinti acerca na cosa ya hace si Jehova y si Jesus para contigo?
Paquemodo kita puede dale mira el diaton apresacion na cosa ya hace si Jehova y si Jesus para kanaton? Le con el 2 Corinto 5:15 y 1 San Juan 4:11; 5:3. Despues le con el cada texto, discuti con este pregunta:
-
Base na texto, cosa kita puede hace para dale mira el diaton apresacion?
4. Imita con Jesus
Puede tambien kita dale mira diaton apresacion si imita kita con Jesus. Le con el 1 Pedro 2:21 y despues, discuti con este pregunta:
-
Na cosa maga manera tu puede imita con Jesus?
Ya ama si Jesus con el Palabra del Dios, ya predica con el buen noticia y ya ayuda con otro
5. Atende na Comemoracion del muerte del Cristo
Para sabe si cosa ya sucede durante el primer vez que ya hace con el Cena del Señor, le con el Lucas 22:14, 19, 20. Despues, discuti con este maga pregunta:
-
Cosa ya sucede na Cena del Señor?
-
Cosa ta representa el pan y vino?—Mira con el versiculo 19 y 20.
Quierre si Jesus que el de suyu maga dicipulo hay comemora con el Cena del Señor cada año na aniversario del de suyu muerte. Poreso, el maga Testigo de Jehova tan junto-junto cada año para comemora con el muerte del Cristo na manera que ya manda le. Para sabe acerca con este importante ocasion, man play con el VIDEO. Despues, discuti con este pregunta.
-
Cosa ta sucede durante el Comemoracion?
Tiene cosa ta representa el pan y vino. El pan ta representa con el perfecto cuerpo de Jesus que ya sacrificia le para kanaton. El vino ta representa con el de suyu sangre
EL CUANTO TA HABLA: “Necesita lang tu creé con Jesus para salva.”
-
Paquemodo tu usa con el Juan 3:16 y Santiago 2:17 para dale mira que mas pa el necesita?
SUMARIO
Ta dale kita mira apresacion na cosa si Jesus ya hace para kanaton si ta demonstra kita fe con ele y ta atende con el Comemoracion del de suyu muerte.
Repaso
-
Cosa quierre decir que tene fe con Jesus?
-
Paquemodo tu quierre dale mira el de tuyu apresacion na cosa ya hace si Jehova y si Jesus para contigo?
-
Porque bien importante que atende con el Comemoracion del muerte del Cristo?
SABE PA MAS
Cosa el muerte del Cristo ta motiva kanaton para hace?
Aprende pa mas acerca na fe y si paquemodo kita puede demonstra con este.
“Dale Mira el De Tuyu Fe na Maga Promesa de Jehova” (The Watchtower, Octubre 2016)
Na istoria “Ahora Ta Sinti Yo Limpio y Alegre,” mira si cosa el efecto na vida del un mujer cuando ya sabe le acerca na sacrificio del Cristo.
“El Biblia Puede Cambia con el Vida” (The Watchtower, Agosto 1, 2011)
Considera si porque poco lang el ta come y ta toma con el maga emblema na Comemoracion.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
