LECCION 31
Cosa el Reino del Dios?
El de con todo importante mensaje del Biblia amo el Reino del Dios. Si Jehova hay usa con el Reino para cumpli con el de suyu original proposito para na tierra. Cosa el Reino? Paquemodo kita puede sabe que ta rula ya este ahora? Cosa ya este ya puede cumpli? Y cosa este hay hace na futuro? Este leccion y el siguiente dos leccion hay contesta con ese maga pregunta.
1. Cosa el Reino del Dios y quien el Rey de este?
El Reino amo un gobierno que ya forma si Dios Jehova. Si Jesucristo amo el Rey y ta rula le estaba na cielo. (Mateo 4:17; Juan 18:36) El Biblia ya habla acerca con Jesus: “Ay queda Le el Rey . . . hasta para cuando.” (Lucas 1:32, 33) Como el Rey na Reino del Dios, si Jesus hay rula con todo aqui na tierra.
2. Quien rula junto con Jesus?
Gendeh solo ta rula si Jesus. El maga gente “de todo raza, lenguage, tribo y nacion hay queda maga rey para goberna con el mundo.” (Revelacion 5:9, 10) Paquemodo de manada el rula junto con el Cristo? Desde ya vene si Jesus aqui na tierra, millones de maga Cristiano el ya queda de suyu maga siguidores. Pero 144,000 lang kanila el anda na cielo para junto rula con Jesus. (Le con el Revelacion 14:1-4.) El otro maga Cristiano quien taqui na tierra hay queda maga viviente bajo na ese Reino.—Salmo 37:29.
3. Porque el Reino del Dios mas bueno compara na gobierno del gente?
Maskin el gobierno del gente ta pricura hace maga buen cosas, nuay sila poder para hace el todo cosa sila quierre. Y aquellos quien hay cambia y rula sunod kanila posible gendeh gayot deverasan interesao que ayuda con el maga gente. Pero, nuay quien hay cambia con Jesus como el Rey na Reino del Dios. El Dios ya “forma un reino que nunca hay destroza.” (Daniel 2:44) Si Jesus hay rula na entero tierra y gendeh le man pabor-pabor. Amable le, bueno y tiene justicia. Y hay enseña le con el maga gente que trata con uno y otro na igual manera—con amor y justicia.—Le con el Isaias 11:9.
APRENDE PA MAS
Considera si porque el Reino del Dios mas bueno compara na gobierno del gente.
4. Un poderoso gobierno el rula na entero tierra
Si Jesucristo tiene mas grande poder para rula contra con maskin quien lider na historia. Le con el Mateo 28:18 y despues, discuti con este pregunta:
-
Porque el autoridad de Jesus mas alto compara na maga gobierno del gente?
El maga gobierno del gente pirmi ta cambia y limitao lang el teritorio onde sila ta rula. Quetal el Reino del Dios? Le con el Daniel 7:14 y despues, discuti con este maga pregunta:
-
Ta mira tu, paquemodo kita hay beneficia cay el Reino del Dios ‘gendeh hay destroza’?
-
Ta mira tu, paquemodo kita hay beneficia cay rula este na entero tierra?
5. Necesita cambia con el rulanza del gente
Porque el Reino del Dios necesita cambia con el maga gobierno del gente? Man play con el VIDEO y despues, discuti con el pregunta.
-
Cosa el resulta del rulanza del gente?
Le con el Eclesiastes 8:9 y despues, discuti con este maga pregunta:
-
Ta mira tu, necesita ba el Reino del Dios cambia con el maga gobierno del gente? Porque?
6. Aquellos ta rula na Reino del Dios ta entende kanaton
Cay ya vivi ele como un gente, el diaton Rey, si Jesus, ta “puede sinti el paca-maluya diaton” o ta entende kanaton. (Maga Hebreo 4:15) Mas pa, ya iscuji si Jehova con el 144,000 fiel hombre y mujer quien hay rula junto con Jesus estaba na “todo raza, lenguage, tribo y nacion.”—Revelacion 5:9.
-
Ta dale ba se contigo comforta que si Jesus y el de suyu uban quien junto rula con ele sabe el pasada del vida del gente? Porque?
Si Jehova ya iscuji maga hombre y mujer estaba na diferente maga raza para junto rula con Jesus
7. Mas bueno el maga ley del Reino del Dios
El maga gobierno ta hace maga ley para puede ayuda y protege con el maga viviente. Tiene tambien maga ley el Reino del Dios que debe sigui el maga viviente quien bajo con este. Le con el 1 Corinto 6:9-11 y despues, discuti con este maga pregunta:
-
Cosa gaha el situacion del mundo si ta obedece el todo con el maga ley del Dios? a
-
Tiene ba derecho si Jehova para pidi con el maga viviente que obedece con el ley del Reino? Porque?
-
Cosa ta dale mira que el maga gente quien gendeh ta obedece con este maga ley puede cambia?—Mira con el versiculo 11.
El maga gobierno ta hace maga ley para protege y ayuda con el maga viviente. El Reino del Dios tiene mas bueno maga ley para protege y ayuda con el maga viviente de este
POSIBLE TIENE QUIEN PREGUNTA: “Cosa el Reino del Dios?”
-
Cosa tu hay contesta?
SUMARIO
El Reino del Dios amo un deverasan gobierno na cielo que hay rula na entero tierra.
Repaso
-
Quien el maga ta rula na Reino del Dios?
-
Porque el Reino del Dios mas bueno compara na gobierno del gente?
-
Cosa el cuanto cosas que ta pidi si Jehova con el maga viviente del Reino?
SABE PA MAS
Considera si cosa ya habla si Jesus acerca si onde el Reino.
“Talli Ba Contigo na Corazon el Reino del Dios?” (Articulo na website)
Porque mas importante para con el maga Testigo de Jehova que esta leal na Reino del Dios compara na gobierno del gente?
Examina si cosa ta explica el Biblia acerca na 144,000 con quien ya iscuji si Jehova para rula junto con Jesus.
Cosa ya convinci con el un mujer na preso que el Dios lang el puede dale justicia na mundo?
“Si Paquemodo Yo Ya Incuntra el Solucion na Injusticia” (Awake!, Noviembre 2011)
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
