Ya principia rula el Reino del Dios na cielo del 1914. Ese tambien el principio del ultimo maga dia del rulanza del gente. Paquemodo se kita ya sabe? Considera con el profecia na Biblia, con el condicion del mundo y maga custumbre del gente que claro puede mira desde 1914.

1. Cosa ta indica el profecia na Biblia?

El libro de Daniel ta indica que el Reino del Dios hay principia rula na fin del “siete tiempo.” (Daniel 4:​16, 17) Manada siglo despues, si Jesus ya refiri con ese mismo tiempo como el “iscujido tiempo del maga nacion” y ya habla le que nuay pa este acaba. (Lucas 21:​24, NWT) Como cosa kita hay aprende, el siete tiempo ya acaba del 1914.

2. Cosa el condicion del mundo y custumbre del maga gente desde 1914?

El maga dicipulo de Jesus ya habla con ele: “Habla canamon si cuando ay sucede este y cosa ba el señal del de Uste llegada y del fin del mundo.” (Mateo 24:3) Poreso, si Jesus ya habla si cosa hay sucede despues le principia rula na cielo como Rey del Reino del Dios​—hay tene guerra, escasez de comida y maga temblor. (Le con el Mateo 24:7.) Ya habla tambien el Biblia que por causa na custumbre del maga gente na “ultimo maga dia,” el vida hay “tene maga dificultad.” (2 Timoteo 3:​1-5) Mas claro puede mira con este maga cosas desde 1914.

3. Porque ya queda mas malo el condicion del mundo desde ya principia rula el Reino del Dios?

Nuay dura despues queda Rey si Jesus, yan guerra le na cielo contra con Satanas y con el maga demonio. Ya perde si Satanas na ese guerra. El Biblia ya habla que ‘ya buta con ele para abajo na mundo, y junto con ele, ya buta tambien con el de suyu maga angel.’ (Revelacion 12:​9, 10, 12) Bien rabiao gayot si Satanas cay sabe le que hay destroza con ele. Poreso, ta causa le dolor y sufrimiento na entero mundo. Y amo se el razon si porque bien malo el condicion del mundo. El Reino del Dios hay solva con este todo maga problema.

 APRENDE PA MAS

4. El cronologia na Biblia ta indica na año 1914

Na primer cumplimiento de este profecia . . .

• (D) Con quien ta representa el pono?​​—Mira con el versiculo 22.

• (E) Paquemodo ya termina el de suyu rulanza?​​—Le con el Daniel 4:​29-​33.

• (F) Cosa ya sucede con Nabucodonosor na fin del “siete tiempo”?​—Le con el Daniel 4:​34-​36.

Na segundo cumplimiento de este profecia . . .

• (G) Con quien ta representa el pono?​​—Le con el 1 Cronicas 29:23.

• (H) Paquemodo ya termina el diila rulanza? Porque kita puede habla que nuay pa este rula cuando taqui si Jesus na tierra?​​—Le con el Lucas 21:​24, NWT.

• (I) Cuando y onde este rula otravez?

 6. El rulanza del Dios debe motiva kanaton

Le con el Mateo 24:​3, 14 y despues, discuti con este maga pregunta:

• Cosa importante trabajo el ta dale mira que ta rula ya ahora el Reino del Dios?

• Paquemodo tu puede participa na este trabajo?

Ta rula ya ahora el Reino del Dios y cerca ya tambien este rula na entero tierra. Le con el Maga Hebreo 10:​24, 25 y despues, discuti con este pregunta:

• Cosa debe hace el cada uno kanaton mientras ta puede kita mira “que cerca ya el Dia”?

 SUMARIO

El profecia na Biblia, cronologia y condicion del mundo ta dale prueba que ta rula ya ahora el Reino del Dios. Para dale mira que ta creé kita con este, ta predica kita acerca con este y ta atende maga miting.

Repaso

• Cosa ya sucede na fin del siete tiempo que ya menciona na libro de Daniel?

• Cosa ta convinci contigo que ya principia rula el Reino del Dios del 1914?

• Paquemodo tu puede dale mira que ta creé tu que ta rula ya ahora el Reino?