LECCION 34
Paquemodo Kita Puede Dale Mira el Diaton Amor con Jehova?
Ya sinti ba tu que ya queda tu mas cerca con Dios desde ya principia tu estudia con el Biblia? Quierre ba tu continua hace fuerte con el de tuyu relacion con ele? Acorda que si mas ta mira si Jehova que ta queda fuerte el de tuyu amor para con ele, hay mas ama le y cuida contigo. Paquemodo tu puede dale mira que ta ama tu con ele?
1. Paquemodo kita dale mira con Jehova que ta ama kita con ele?
Ta dale kita mira el diaton amor para con Jehova si ta obedece kita con ele. (Le con el 1 San Juan 5:3.) Gendeh le ta forza con el maskin quien que obedece con ele. Sino, ta dale le con el cada uno kanaton el oportunidad para iscuji que obedece con ele o gendeh. Porque? Quierre si Jehova que obedece o ‘somete kita con todo corazon.’ (Roma 6:17) Quierre decir, quierre le que obedece tu con ele, gendeh por causa cay debe tu se hace, sino cay ta ama tu con ele. El Seccion 3 y 4 de este libro ya diseña para ayuda contigo dale mira el de tuyu amor para con Jehova—hace el maga cosas que quierre le y evita con el maga cosas que no quierre le.
2. Porque posible dificil que dale mira el diaton amor para con Jehova?
“Manada el dificultad del un recto.” (Salmo 34:19) Todo kita tan lisud na diaton mismo maga imperfeccion. Y posible ta experiencia tambien kita problema na financial, injusticia y otro maga dificultad. Si ta experiencia kita maga probanza, posible dificil para kanaton que hace el cosa ta pidi kanaton si Jehova. Siguro, mas facil si gendeh kita obedece con ele. Pero si continua lang tu hace el cosa ta manda contigo si Jehova, ta dale tu mira que mas ta ama tu con ele contra na otro cosas. Mas pa, ta dale tu prueba que leal tu con ele. Como resulta, hay queda tambien le leal contigo. Nunca le hay deja contigo.—Le con el Salmo 4:3.
APRENDE PA MAS
Examina si porque importante con Jehova el de tuyu obediencia y aprende si cosa puede ayuda contigo para esta leal con ele.
3. Un acusacion que envuelto tu
Asegun na libro de Job, ya hace si Satanas un acusacion, gendeh lang contra con Job, sino con el todo maga gente quien quierre sirvi con Jehova. Le con el Job 1:1, 6–2:10 y despues, discuti con este maga pregunta:
-
Asegun con Satanas, porque si Job ta obedece con Jehova?—Mira con el Job 1:9-11.
-
Cosa ta clama si Satanas acerca con el todo maga gente, incluido contigo?—Mira con el Job 2:4.
Le con el Job 27:5b y despues, discuti con este pregunta:
-
Paquemodo ya dale mira si Job que deverasan gayot le ta ama con Jehova?
Ya dale mira si Job el de suyu amor para con Jehova cuando ya esta le leal con Ele
Ta dale kita mira el diaton amor para con Jehova si ta esta kita leal con ele
4. Hace alegre con el corazon de Jehova
Le con el Proverbio 27:11 y despues, discuti con este maga pregunta:
-
Cosa ta sinti si Jehova si sabio tu y ta obedece con ele? Porque?
5. Puede tu queda leal con Jehova
El diaton amor para con Jehova ta manda kanaton move para habla con otro acerca con ele. Cay leal kita con ele, ta hace kita este maskin tiene vez, gendeh este facil. Man play con el VIDEO y despues, discuti con este maga pregunta.
-
Ta sinti ba tu que dificil habla con otro acerca con Jehova?
-
Na video, cosa ya ayuda con Grayson para ganá con el de suyu miedo?
Mas facil queda leal con Jehova si ta ama kita con el cosa le ta ama y ta odia con el cosa le ta odia. Le con el Salmo 97:10 y despues, discuti con este maga pregunta:
-
Base na cosa ya tu ya aprende, cosa el cuanto cosas que ta ama si Jehova? Cosa el cuanto cosas que ta odia le?
-
Cosa tu hace para puede tu ama si cosa el bueno y odia si cosa el malo?
6. Ta beneficia kita si ta obedece kita con Jehova
Bueno para kanaton si obedece kita con Jehova. Le con el Isaias 48:17, 18 y despues, discuti con este maga pregunta:
-
Para contigo, puede ba kita confia que pirmi sabe si Jehova el de con todo bueno para kanaton? Porque?
-
Paquemodo tu ya puede beneficia mientras ta estudia tu con el Biblia y ta conoce con el verdadero Dios, si Jehova?
EL CUANTO TA HABLA: “Gendeh importante con Dios el cosa yo ta hace.”
-
Cosa texto tu puede usa para dale mira que el cosas que ta hace kita puede hace alegre o triste con Jehova?
SUMARIO
Puede tu demonstra el de tuyu amor para con Jehova si obedece tu con ele y esta leal con ele maskin ta enfrenta maga dificultad.
Repaso
-
Cosa tu ya aprende na ejemplo de Job?
-
Paquemodo tu hay dale mira el de tuyu amor para con Jehova?
-
Cosa puede ayuda contigo para esta leal con Jehova?
SABE PA MAS
Sabe si paquemodo tu puede queda leal con Jehova y na congregacion.
Aprende pa mas acerca na acusacion de Satanas contra na maga gente.
“Ya Mentena si Job con el De Suyu Integridad” (The Bible—What Is Its Message? seccion 6)
Considera si paquemodo maskin el maga bata puede dale mira el diila amor para con Jehova.
Paquemodo el un joven quien ta experiencia pressure na maga uban puede esta leal con Dios?
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
