Todo quierre tene maga amigo que honesto. Si Jehova ta expecta que honesto tambien el de suyu maga amigo. Gendeh este facil na este mundo donde manada el gendeh honesto. Cosa el maga beneficio si honesto kita na todo cosas?

1. Cosa el de con todo importante razon para queda honesto?

Si honesto kita con otro, ta dale kita mira con Jehova que ta ama y ta respeta kita con Ele. Considera este: Si Jehova sabe el todo cosa kita ta pensa y ta hace. (Maga Hebreo 4:​13) Ta nota le si ta iscuji kita queda honesto y ta aprecia le se. El de suyu Palabra ta habla: “No quierre si Jehova con el un persona deshonesto, pero tiene Le buen amistad con el maga recto.”​​—Proverbio 3:​32.

2. Paquemodo kita queda honesto na diaton vida cada dia?

Quierre si Jehova que ‘habla kita el verdad con uno y otro.’ (Zacarias 8:​16, 17) Cosa este quierre decir? Si tan cuento kita na diaton familia, uban na trabajo, con el maga hermano y hermana, o con el maga oficial de gobierno, gendeh kita tan imbusterias o ta habla maga gendeh justo informacion. El maga honesto persona gendeh ta ruba o ta hace loco con otro. (Le con el Proverbio 24:28 y Efeso 4:​28.) Y ta paga sila con el todo tax o impuesto que debe sila paga. (Roma 13:​5-7) Na ese maga manera, ta dale kita mira que ‘quierre kita queda honesto na todo cosas.’​​—Maga Hebreo 13:​18, NWT.

3. Cosa el maga beneficio si honesto kita?

Si sabe el otro que honesto kita, hay confia sila kanaton. Ta ayuda tambien kita para sinti el todo que protegido sila adentro na congregacion, igual na un amable familia. Mas pa, ta tene kita limpio conciencia. El diaton pagka-honesto puede tambien ‘dale honor con el doctrina del diaton Dios’ y manda move con otro que conoce con Jehova.​​—Tito 2:​10.

 APRENDE PA MAS

5. Queda honesto na todo tiempo

 6. Ta beneficia kita si honesto kita

Posible kita enfrenta problema si honesto kita. Pero na uliji, amo se el de con todo bueno que puede tu hace. Le con el Salmo 34:​12-​16 y despues, discuti con este pregunta:

• Paquemodo queda mas bonito el de tuyu vida si honesto tu?

1. El honesto marido y mujer ta tene fuerte matrimonio

2. El honesto trabajador ta puede saca con el confianza del de suyu amo

3. El honesto persona ta obtene buen reputacion na maga oficial de gobierno

 SUMARIO

Quierre si Jehova que queda honesto el de suyu maga amigo na todo cosa sila ta habla y ta hace.

Repaso

• Cosa el cuanto maga manera para puede kita queda honesto?

• Porque gendeh justo que pensa que puede kita esconde con el verdad?

• Porque tu quierre queda honesto na todo tiempo?