Tiene manada bonito cosas que puede kita hace cay vivo kita. Maskin ta experiencia kita maga problema, ta puede siempre kita queda alegre na cuanto aspeto del diaton vida. Paquemodo kita puede dale mira que ta aprecia kita con el regalo de vida? Y cosa el de con todo importante razon para hace se?

1. Porque kita debe aprecia con el vida?

Debe kita aprecia con el vida cay estaba este regalo na diaton amable Tata, si Jehova. Ele “el tuburan del vida”​​—ya crea le con el todo. (Salmo 36:9) “Ele pa ganeh ta dale el vida y el resuello y todo maga cosa-cosa con todo el maga gente.” (Maga Actividad 17:​25, 28) Ta dale kanaton si Jehova el cosa kita necesita para esta vivo. Pero mas pa que con ese, ta hace le posible que puede kita vivi con alegria.​​—Le con el Maga Actividad 14:17.

2. Paquemodo kita puede dale mira con Jehova que ta aprecia kita con el regalo de vida?

Na barriga pa lang tu del de tuyu nana, ta ama ya si Jehova contigo. Na un rezo que ya inclui si Jehova na de suyu Palabra, el siervo de suyu que si David ya habla con ele: “Ya mira tu conmigo maskin adentro na vientre del de mio nana.” (Salmo 139:16) Precioso el de tuyu vida para con Jehova. (Le con el Mateo 10:​29-​31.) Hay queda gayot le triste si tiene quien intencional quita con el vida del otro o maskin con el de suyu mismo vida. a (Exodo 20:13) Hay queda tambien triste si Jehova si pone kita con el diaton vida na peligro o nuay hace manera para protege con el vida del otro. Si ta cuida kita con el diaton vida y ta respeta con el vida del otro, ta dale kita mira que ta aprecia kita con el bonito regalo de vida.

 APRENDE PA MAS

3. Cuida con el de tuyu salud

Cay ya dedica el maga Cristiano con el diila vida con Jehova, ta usa sila con el diila entero vida para sirvi con ele. Dol ta presenta sila con el diila cuerpo como un sacrificio para con Dios. Le con el Roma 12:​1, 2 y despues, discuti con este maga pregunta:

• Cosa debe motiva contigo para cuida con el de tuyu salud?

• Cosa el cuanto manera que puede tu se hace?

 5. Respeta con el vida del bata que nuay pa nace

Ya explica si David que interesao si Jehova na todo cosa que ta sucede na un bata mientras ta forma este na vientre del nana. Le con el Salmo 139:​13-​17 y despues, discuti con este pregunta:

• Para con Jehova, cuando ta principia el vida del un bata​—cuando ya nace ya este o mientras na vientre del de suyu nana?

El maga ley de Jehova para na Israel de antes ta protege con el maga nana y con el diila maga anak que nuay pa nace. Le con el Exodo 21:​22, 23 y despues, discuti con este maga pregunta:

• Cosa ta sinti si Jehova si el un persona gendeh intencional ya causa con el muerte del un bata que nuay pa nace?

• Cosa gaha si Jehova hay sinti si intencional se ya hace el un persona? b

• Cosa tu ta sinti acerca con este mirada del Dios?

Man play con el VIDEO.

Maskin ta aprecia el un mujer con el vida, posible le sinti que aborcion lang el de suyu solucion. Le con el Isaias 41:10 y despues, discuti con este maga pregunta:

• Si ta sinti pressure el un mujer que comete aborcion, con quien le debe pidi ayuda? Porque?

 SUMARIO

El Biblia ta enseña kanaton que ama, respeta y guarda con el regalo de vida que ya dale kanaton si Jehova. Incluido aqui el diaton mismo vida y el vida del otro.

Repaso

• Porque precioso para con Jehova el vida del gente?

• Cosa si Jehova ta sinti si tiene quien intencional ya quita con el vida del un gente?

• Porque tu ta aprecia con el regalo de vida?