LECCION 41
Cosa el Biblia Ta Habla Acerca na Sex?
Manada gente el gendeh comfortable man cuento acerca na sex. Maskin pa ansina, el Biblia directa y claro ta menciona acerca na sex. Pero, ta hace este el Biblia na buen manera. Ta puede kita beneficia na cosa este ta habla cay el Biblia estaba con Jehova, el diaton Creador. Poreso, sabe le si cosa el de con todo bueno para kanaton. Ya habla le kanaton si cosa kita debe hace para hace alegre con ele y si cosa kanaton puede ayuda para vivi hasta para cuando con alegria.
1. Cosa el mirada de Jehova na sex?
El sex amo un regalo estaba con Jehova. Quierre le que dale este alegria na un hombre y mujer quien casao con uno y otro. Por causa con este, el man maridable puede tene maga anak y puede sila dale mira el diila amor con uno y otro. Poreso el Palabra del Dios ta habla: “Queda alegre junto na de tuyu mujer que ya casa tu cuando joven tu.” (Proverbio 5:18, 19) Ta expecta si Jehova que el maga casao Cristiano hay queda leal con el diila marido o mujer, y gendeh comete adulterio.—Le con el Maga Hebreo 13:4.
2. Cosa el sexual imoralidad?
El Biblia ta habla kanaton que “aquellos ta hace cosa immoralidad . . . gendeh gayot ay hereda el Reino del Dios.” (1 Corinto 6:9, 10) El maga escritor del Biblia quien ya escribi na Griego lengguaje ya usa con el palabra por·neiʹa para refiri con el sexual imoralidad. Incluido na ese palabra (1) el sexual relacion a entre na maga gente quien gendeh casao con uno y otro, (2) homosexualidad y (3) bestialidad. Ta beneficia kita y ta hace alegre con Jehova si kita hay “queda . . . lejos na maga immoralidad.”—1 Tesalonica 4:3.
APRENDE PA MAS
Considera si paquemodo tu puede evita con el sexual imoralidad y si paquemodo tu hay beneficia si esta tu limpio na moral.
3. Desaleja na sexual imoralidad
El fiel hombre que si Jose ya hace esfuerzo para esta limpio na moral. Le con el Genesis 39:1-12 y despues, discuti con este maga pregunta:
-
Cosa ya motiva con Jose para gendeh comete imoralidad?—Mira con el versiculo 9.
-
Para contigo, justo ba el cosa ya hace si Jose? Porque?
Paquemodo el maga jovenes puede imita con Jose y desaleja con el sexual imoralidad ahora? Man play con el VIDEO.
Quierre si Jehova que evita kita todo con el imoralidad. Le con el 1 Corinto 6:18 y despues, discuti con este maga pregunta:
-
Cosa maga situacion el puede causa con el un persona que comete sexual imoralidad?
-
Paquemodo tu puede desaleja na imoralidad?
4. Puede tu resisti con el tentacion
Cosa puede hace dificil para resisti con el tentacion y comete sexual imoralidad? Man play con el VIDEO y despues, discuti con el pregunta.
-
Cuando ya realiza el hermano na video que el de suyu pensamiento y accion puede causa con ele para queda gendeh leal na de suyu mujer, cosa le ya hace?
Maskin el maga fiel Cristiano tan dificil tiene vez que mentena limpio con el diila pensamiento. Paquemodo tu puede evita que continua pensa maga imoral cosas? Le con el Filipo 4:8 y despues, discuti con este maga pregunta:
-
Cosa maga cosas el debe kita pone na diaton pensamiento?
-
Si ta le kita con el Biblia y ta esta ocupao na servicio con Jehova, paquemodo se puede ayuda kanaton para resisti con el tentacion?
5. Para na diaton bien el maga principio de Jehova
Sabe si Jehova si cosa el de con todo bueno para kanaton. Ya habla le si paquemodo esta limpio na moral y el maga beneficio si hace kita se. Le con el Proverbio 7:7-27 o man play con el VIDEO y despues, discuti con el maga pregunta.
-
Paquemodo el joven hombre ya guinda na tentacion?—Mira con el Proverbio 7:8, 9.
-
Asegun na Proverbio 7:23, 26, el sexual imoralidad puede causa maga serioso problema. Si esta kita limpio na moral, cosa maga problema kita puede evita?
-
Si limpio kita na moral, paquemodo este ayuda kanaton para vivi hasta para cuando con alegria?
El cuanto gente ta pensa que gendeh amable el cosa ta habla el Biblia acerca na homosexualidad. Pero si Jehova, el Dios de amor, quierre que el todo tene alegre vida hasta para cuando. Para experiencia con ese, debe kita vivi asegun na de suyu maga principio. Le con el 1 Corinto 6:9-11 y despues, discuti con este pregunta:
-
Na mirada del Dios, el homosexualidad lang ba el gendeh aceptable?
Para hace alegre con Dios, todo kita necesita hace maga cambio. Gendeh gayot man sayang el diaton esfuerzo. Le con el Salmo 19:8, 11 y despues, discuti con este maga pregunta:
-
Para contigo, justo ba el maga principio de Jehova na moral? Porque?
Si Jehova ya ayuda con el manada gente para sigui con el de suyu principio na moral. Puede tambien le ayuda contigo
EL CUANTO TA HABLA: “Aceptable lang que man sex el un persona con maskin quien basta ta ama sila con uno y otro.”
-
Cosa tu puede habla?
SUMARIO
El sex amo un regalo estaba con Jehova para na un marido y na de suyu mujer.
Repaso
-
Cosa el incluido na sexual imoralidad?
-
Cosa puede ayuda kanaton para evita con el sexual imoralidad?
-
Na cosa manera kita ta beneficia si ta sigui kita con el maga principio de Jehova na moral?
SABE PA MAS
Aprende si porque quierre el Dios que casa el dos persona antes sila junto queda.
“Cosa el Biblia Ta Habla Acerca na Live-in?” (Articulo na website)
Considera si porque el principio na Biblia acerca na homosexualidad gendeh quierre decir que debe kita odia con el maga homosexual.
Aprende si paquemodo el maga ley del Dios acerca na sexual actividad ta protege kanaton.
Na experiencia, “Ya Trata Sila Conmigo con Dignidad,” mira si cosa ya motiva con el un homosexual para hace maga cambio na de suyu vida para hace alegre con Dios.
“El Biblia Puede Cambia con el Vida” (The Watchtower, Abril 1, 2011)
a Incluido aqui el diferente maga actividad igual na sex, oral sex, anal sex y el agarrada de privado parte del otro.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
