El maga amigo ta omenta con el diaton alegria y ta hace fuerte kanaton durante na tiempo de dificultad. Pero el Biblia ta habla kanaton que gendeh todo puede queda buen amigo para kanaton. Poreso, paquemodo tu puede iscuji maga buen amigo? Considera con el siguiente maga pregunta.

1. Paquemodo ta influencia contigo el de tuyu maga amigo?

Tiene kita tendencia que queda igual na maga gente con quien kita tan junto. Puede este queda bueno o malo para kanaton​​—y deverasan se si tan junto man kita kanila na personal o maskin na social media. El Biblia ta habla que “el quien ta sigui junto con el sabio hay queda sabio, pero el quien tan junto con el estupido [aquellos quien gendeh ta ama con Jehova] hay resulta na mal.” (Proverbio 13:20) El maga amigo quien ta ama y ta adora con Jehova puede ayuda contigo queda cerca con ele y hace maga buen decision. Pero si man amigo kita con aquellos quien gendeh ta ama con ele, puede se causa que queda kita lejos con Jehova. Poreso, el Biblia ta anima kanaton que iscuji enbuenamente maga amigo. Si el diaton maga amigo ta ama con Dios, hay beneficia kita y sila tambien. Puede kita “dale animo con uno y otro, y man ayudajan para puede crici na fe.”​​—1 Tesalonica 5:​11.

2. Paquemodo el de tuyu iscujida de maga amigo puede afecta con el sentido de Jehova?

Ta iscuji enbuenamente si Jehova con el de suyu maga amigo. “Tiene Le buen amistad con el maga recto.” (Proverbio 3:​32) Cosa gaha sinti si Jehova si iscuji kita maga amigo quien gendeh ta ama con ele? Queda gayot le triste! (Le con el Santiago 4:4.) Pero si evita kita con el maga mal asosacion, y queda cerca con Jehova y con aquellos quien ta ama con ele, hay queda le alegre y iscuji le kanaton como de suyu maga amigo.​​—Salmo 15:​1-4.

 APRENDE PA MAS

4. Aquellos quien diferente kanaton puede queda diaton maga buen amigo

Ya menciona el Biblia acerca na dos hombre na Israel de antes, kanda David y Jonatan. Bien diferente el diila edad y circumstancia; pero, tiene sila buen amistad. Le con el 1 Samuel 18:1 y despues, discuti con este pregunta:

• Porque gendeh kita debe limita con el diaton asosacion na maga igual lang kanaton el edad o estado na vida?

Le con el Roma 1:​11, 12 y despues, discuti con este pregunta:

• Paquemodo el maga man amigo quien ta ama con Jehova puede anima con uno y otro?

Na este video, mira si paquemodo el un joven hermano ya puede incuntra maga amigo que gendeh le ta expecta. Man play con el VIDEO y despues, discuti con el maga pregunta.

• Na video, porque el maga mayores de Akil ta man lingasa con el de suyu maga amigo na escuela?

• Cosa el razon si porque le ya iscuji man amigo kanila del una?

• Paquemodo le ya puede enfrenta con el de suyu tristeza?

 5. Si paquemodo cultiva buen amistad

 SUMARIO

Si ta iscuji kita enbuenamente maga amigo, ta hace kita alegre con Jehova y ta beneficia kita.

Repaso

• Porque importante con Jehova el diaton iscujida de maga amigo?

• Cosa clase de maga gente el debe kita evita que queda diaton maga amigo?

• Paquemodo tu puede tene buen amistad con otro?