LECCION 49
Paquemodo Queda Alegre el De Tuyu Familia?—Part 1
Quierre el maga nuevo casao que el diila alegria durante el diila casamiento hay esta hasta para cuando. Puede se sucede. Sabe el maga Cristiano quien casao ya por largo tiempo quien ta pricura aplica con el consejo na Biblia que posible se.
1. Cosa consejo ta dale el Biblia para na maga marido?
Si Jehova ya iscuji con el marido para queda cabeza del familia. (Le con el Efeso 5:23.) Ta expecta si Jehova que hace le maga decision que hay beneficia el familia. El Biblia ta manda con el maga marido: “Ama con el de ustedes maga mujer.” (Efeso 5:25) Cosa se quierre decir? El un amable marido ta trata enbuenamente con el de suyu mujer, na casa man o na publico. Ta protege le con este na peligro y ta dale el fisical y emocional necesidad de este. (1 Timoteo 5:8) Y el mas importante, ta dale le el espiritual necesidad de este. (Mateo 4:4) Por ejemplo, puede le reza y le con el Biblia junto con el de suyu mujer. Si ta cuida le enbuenamente con el de suyu mujer, ta mentena le el de suyu buen relacion con Jehova.—Le con el 1 Pedro 3:7.
2. Cosa consejo ta dale el Biblia para na maga mujer?
El Palabra del Dios ta habla que “el mujer necesita respeta con el disuyo marido.” (Efeso 5:33) Paquemodo le se hace? Puede le pensa acerca na maga buen calidad del de suyu marido y el de suyu esfuerzo para cuida con ele y con el diila maga anak. Puede tambien le suporta con el maga decision del de suyu marido, y con respeto man cuento con ele y acerca con ele maskin pa gendeh este siervo de Jehova.
3. Paquemodo hace fuerte el man maridable con el diila matrimonio?
El Biblia ta habla acerca na maga man maridable: “Sila dos ay queda un solo cuerpo.” (Mateo 19:5) Este quierre decir que necesita sila evita con el maskin cosa tendencia que queda frio el diila amor con uno y otro. Para hace se, regular sila tan junto y ta habla el cosa sila ta pensa y ta sinti con uno y otro. Gendeh sila ta permiti con el maskin cosa o maskin quien—puera con Jehova—que queda mas importante contra na diila marido o mujer. Ta evita tambien sila tene bien cerca relacion con otro.
APRENDE PA MAS
Mira si cosa maga principio na Biblia el puede hace fuerte con el de ustedes matrimonio.
4. Maga marido—ama y cuida enbuenamente con el de ustedes mujer
El Biblia ta habla que “el maga marido necesita tamen ama con el diila maga mujer, igual como ta ama sila con el diila mismo cuerpo.” (Efeso 5:28, 29) Cosa se quierre decir? Man play con el VIDEO y despues, discuti con el pregunta.
-
Na cosa maga manera puede dale mira el un marido que ta ama y ta cuida le con el de suyu mujer?
Le con el Colosa 3:12, NWT y despues, discuti con este pregunta:
-
Paquemodo el un marido puede dale mira este maga calidad na de suyu matrimonio?
5. Maga mujer—ama y respeta con el de ustedes marido
El Biblia ta anima con el mujer que respeta con el de suyu marido, siervo man este de Jehova o gendeh. Le con el 1 Pedro 3:1, 2 y despues, discuti con este maga pregunta:
-
Si el de tuyu marido gendeh ta sirvi con Jehova, asigurao quierre tu que adora le con Jehova. Ta mira tu, cosa gaha el mas efectivo—pirmi predica con ele o dale mira buen conducta y respeto con ele? Porque?
El maga marido y mujer puede junto hace maga buen decision. Pero tiene vez, posible gendeh tan uyun el mujer con el de suyu marido. Puede le habla el cosa le ta pensa na calmao manera y con respeto. Pero debe le acorda que ya dale responsibilidad si Jehova con el de suyu marido para decidi si cosa el de con todo bueno para na familia. Debe le hace el todo para suporta con el decision del de suyu marido. Si hace le se, ta ayuda le queda alegre el familia. Le con el 1 Pedro 3:3-5, NWT y despues, discuti con este pregunta:
-
Cosa ta sinti si Jehova si el mujer ta dale mira respeto na de suyu marido?
6. Puede ustedes enfrenta con el maga problema na de ustedes matrimonio
Nuay perfecto matrimonio. Poreso, el maga man maridable necesita man ayudajan para enfrenta con el maga dificultad. Man play con el VIDEO y despues, discuti con el maga pregunta.
-
Na video, cosa el cuanto maga señal que el man maridable ya queda ya lejos con uno y otro?
-
Cosa sila ya hace para hace fuerte con el diila matrimonio?
Le con el 1 Corinto 10:24 y Colosa 3:13. Despues le con el cada texto, discuti con este pregunta:
-
Si aplica el man maridable con este texto, paquemodo este puede hace fuerte con el diila matrimonio?
El Biblia ta habla que debe kita dale mira honor con uno y otro. Este quierre decir que necesita kita trata con el un persona na buen manera y con respeto. Le con el Roma 12:10, NWT y despues, discuti con este maga pregunta:
-
Debe ba el un persona espera que dale con ele una mira honor el de suyu marido o mujer? Porque?
EL CUANTO TA HABLA: “Kame man maridable gendeh ya cerca con uno y otro igual de antes.”
-
Paquemodo tu explica que el Biblia puede ayuda kanila?
SUMARIO
El marido y mujer puede queda alegre si ta ama y ta respeta sila con uno y otro, y ta aplica con el maga principio na Biblia.
Repaso
-
Paquemodo el un marido puede ayuda para queda alegre el diila matrimonio?
-
Paquemodo el un mujer puede ayuda para queda alegre el diila matrimonio?
-
Si casao tu, cosa principio na Biblia el puede ayuda hace fuerte con el de ustedes matrimonio?
SABE PA MAS
Aprende maga practical sugestion que puede ayuda contigo para tene alegre familia.
Mira con el music video que ta dale mira el maga bendicion si aplica con el consejo del Dios na matrimonio.
Examina si cosa quierre decir que somete con el marido como el cabeza del familia.
“Maga Mujer, Porque Ustedes Debe Somete?” (The Watchtower, Mayo 15, 2010)
Paquemodo el un man maridable ya puede solva con el diila maga serioso problema, igual con el divurcio?
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
