Si Jehova el “alegre Dios.” (1 Timoteo 1:​11, NWT) Quierre le que queda kita alegre y man enjoy kita diaton vida. Alegre le si ta dale kita tiempo para descanza na trabajo y man relax. Na este leccion, hay mira kita si paquemodo kita puede usa con ese tiempo na manera que ta hace kanaton alegre y satisfechao​​—y ta hace tambien alegre con Jehova.

1. Cosa kita debe acorda si ta iscuji entretenimiento?

Cosa tu quierre hace para man relax? El cuanto quierre lang esta na casa​​—ta le libro, ta oi cancion, ta mira salida o ta man internet. El otro ta man enjoy que man junto na diila maga amigo​​—man hiking, swimming o juga. Maskin cosa man kita quierre hace, necesita kita asigura que el diaton entretenimiento aceptable o “ta hace alegre con el Señor.” (Efeso 5:​10) Importante que entende kita con este cay manada maga popular entretenimiento ahora ta inclui maga cosas que ta odia si Jehova, igual na violencia, sexual imoralidad, o espiritismo. (Le con el Salmo 11:5.) Cosa kanaton puede ayuda para hace buen decision acerca na diaton entretenimiento?

Si ta iscuji kita maga amigo quien ta ama con Jehova, puede sila tene buen influencia kanaton y na diaton iscujida de entretenimiento. Como cosa kita ya aprende na Leccion 48, “el quien ta sigui junto con el sabio hay queda sabio.” Pero si pirmi kita ta man junto con aquellos nuay amor na principio del Dios, “hay resulta [kita] na mal.”​​—Proverbio 13:20.

2. Porque importante que controla kita con el tiempo que ta usa kita na entretenimiento?

Maskin aceptable con Jehova el diaton entretenimiento, necesita kita con cuidao que gendeh kita dale bien grande tiempo con ese. Cay si gendeh, posible nuay mas ya kita bastante tiempo para na maga mas importante actividad. El Biblia ta anima kanaton que “usa el [diaton] tiempo embuenamente.”​​—Le con el Efeso 5:​15, 16.

 4. Usa enbuenamente con el de tuyu tiempo

5. Iscuji maga buen entretenimiento

Maskin pa el cuanto entretenimiento gendeh aceptable con Jehova, manada siempre cosas el aceptable con ele. Le con el Eclesiastes 8:​15 y Filipo 4:​8, y despues, discuti con este pregunta:

• Cosa buen entretenimiento el ta gusta tu?

 SUMARIO

Quierre si Jehova que iscuji kita y man enjoy maga buen entretenimiento.

Repaso

• Cosa entretenimiento el debe evita el maga Cristiano?

• Porque kita debe con cuidao si paquemodo de grande tiempo kita ta usa na entretenimiento?

• Porque tu quierre iscuji entretenimiento que ta hace alegre con Jehova?