LECCION 60
Continua Progresa
Na este estudiada del Biblia, manada tu cosa ya aprende acerca con Jehova. Por causa con ese, ya queda mas hondo el de tuyu amor con ele y posible ya dedica ya tu el de tuyu vida con ele y ya bautiza. Si nuay pa, baka cerca ya tu se hace. Pero el bautismo gendeh amo el fin del de tuyu progreso. Puede tu continua queda cerca con Jehova hasta para cuando. Paquemodo tu se hace ?
1. Porque tu debe continua hace fuerte el de tuyu relacion con Jehova?
Debe kita hace esfuerzo para continua hace fuerte con el diaton relacion con Jehova. Porque? “Para hende kita ay desaleja” o queda lejos con ele. (Maga Hebreo 2:1, El Nuevo Testamento) Cosa puede ayuda kanaton para continua sirvi fiel con Jehova? Puede kita esta ocupao na trabajo predicacion y busca otro pa maga manera para puede sirvi pa mas con el diaton Dios. (Le con el Filipo 3:16.) El servicio con Jehova amo el de con todo buen manera de vida!—Salmo 84:10.
2. Cosa pa tu necesita continua hace?
Maskin pa-acabada ya el de tuyu estudiada del Biblia ahora, el de tuyu vida como un Cristiano hay continua. El Biblia ta habla que necesita kita “visti el camisa del Nuevo Naturaleza [o personalidad].” (Efeso 4:23, 24) Mientras ta continua tu estudia con el Palabra del Dios y atende maga miting, hay continua tu aprende maga nuevo cosas acerca con Jehova y na de suyu maga calidad. Busca maga manera si paquemodo tu puede mas imita con el de suyu personalidad na de tuyu vida. Continua hace maskin cosa cambio que necesita para hace alegre con Jehova.
3. Paquemodo si Jehova ayuda contigo para progresa?
El Biblia ta habla: “El Dios . . . ay dale con ustedes valor y fuerza y ay suporta con ustedes.” (1 Pedro 5:10) Todo kita ta enfrenta maga tentacion. Pero si Jehova ta dale kanaton el cosa kita necesita para resisti con ese. (Salmo 139:23, 24) Ta promete le que hay dale le contigo el deseo y el fuerza para fiel sirvi con ele.—Le con el Filipo 2:13.
APRENDE PA MAS
Considera si paquemodo tu puede continua progresa y si paquemodo si Jehova hay bendici contigo.
4. Continua comunica con Jehova
El rezo y el estudiada del Biblia ya puede ayuda contigo para queda amigo de Jehova. Paquemodo ese maga actividad puede ayuda contigo para queda pa mas cerca con ele?
Le con el Salmo 62:8 y despues, discuti con este pregunta:
-
Para hace mas fuerte con el de tuyu relacion con Jehova, paquemodo tu puede hace mas bonito con el calidad del de tuyu maga rezo?
Le con el Salmo 1:2 y footnote, y despues, discuti con este pregunta:
-
Para hace mas fuerte con el de tuyu relacion con Jehova, cosa tu hace para puede tu mas beneficia na de tuyu lehida de Biblia?
Paquemodo tu puede mas beneficia na de tuyu personal estudiada del Biblia? Para na cuanto maga idea, man play con el VIDEO y despues, discuti con el maga pregunta.
-
Cosa maga sugestion na video el puede tu aplica?
-
Cosa maga topico el quierre tu estudia?
5. Hace maga goal na servicio con Jehova
Si tiene kita maga goal, hay ayuda se kanaton para continua progresa. Man play con el VIDEO y despues, discuti con el pregunta.
-
Na este video, paquemodo si Cameron ya beneficia cay ya hace le maga goal?
Gendeh todo puede anda na otro lugar para predica. Pero todo kita puede hace maga goal que puede kita alcanza. Le con el Proverbio 21:5 y despues, considera si cosa maga goal tu quierre hace . . .
-
na congregacion.
-
na ministerio.
Paquemodo el principio na texto puede ayuda contigo para alcanza con el de tuyu maga goal?
Maga goal que puede tu considera
-
Hace mas bonito con el calidad del de tuyu rezo.
-
Le con el entero Biblia.
-
Conoce con todo na de ustedes congregacion.
-
Principia y conduci un Bible study.
-
Sirvi como un auxiliary pioneer o regular pioneer.
-
Si un hermano tu, hace esfuerzo para queda un siervo ministerial.
6. Queda alegre hasta para cuando!
Le con el Salmo 22:26 y despues, discuti con este pregunta:
-
Cosa tu puede hace para queda alegre ahora y hasta para cuando?
SUMARIO
Continua hace fuerte con el de tuyu relacion con Jehova y hace maga goal. Si hace tu se, puede tu queda alegre hasta para cuando!
Repaso
-
Porque tu puede asigura que hay ayuda contigo si Jehova para fiel sirvi con ele?
-
Paquemodo tu puede hace mas fuerte con el de tuyu relacion con Jehova?
-
Paquemodo el maga goal puede ayuda contigo para progresa?
SABE PA MAS
Cosa el mas ta aprecia si Jehova—un grande acto de devocion o el diaton fiel servicio con ele na diaton entero vida?
Maskin fiel el un siervo de Jehova, posible perde el de suyu alegria. Mira si paquemodo puede obtene otravez con ese.
Queda Otravez Alegre Por Medio na Estudiada y Meditacion (5:25)
Paquemodo tu hace maga goal na espiritual y alcanza con ese?
“Usa con el Maga Espiritual Goal Para Dale Gloria con el Creador” (The Watchtower, Julio 15, 2004)
Porque importante que queda un mature Cristiano y paquemodo tu puede queda ansina?
“Pricura Queda Mature —‘Cerca ya el Grande Dia de Jehova’” (The Watchtower, Mayo 15, 2009)
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
