Si paquemodo tu puede mas beneficia na este estudiada del Biblia
Una considera con este sumario y despues, man play con el VIDEO.
PRIMER PARTE
Para prepara con el cada leccion, le con el primer parte. El maga pregunta (A) y texto (B) ta hace claro con el maga importante punto. Durante el Bible study, le suena con el cuanto maga texto que ya marca “le con el.”
IKA-DOS PARTE
El cosa ta menciona (C) bajo na Aprende Pa Mas ta dale mira si cosa hay discuti. El maga subheading (D) ta introduci con el maga importante punto. Junto con el quien ta enseña contigo, le con el maga texto, contesta con el maga pregunta y mira con el maga video.
El MAGA VIDEO y AUDIO RECORDING na leccion ta dale omento informacion acerca na punto. El cuanto maga video ta presenta deverasan istoria. El otro amo maga drama que gendeh base na real suceso o maga gente pero ta dale este mira maga situacion que deverasan ta sucede.
Considera con el maga letrato y caption (E), y pensa si paquemodo tu contesta con el cosa ya menciona bajo na El Cuanto Ta Habla (F).
ULTIMO PARTE
Na fin del leccion, tiene Sumario y Repaso (G). Pone con el fecha si cuando ya completa con el leccion. Bajo na Pruba Hace Este (H), tiene maga cosas que puede tu hace o aplica. Na seccion Sabe Pa Mas (I), tiene omento informacion que puede tu le o mira.
Maga Contenido
|
|
|
|
Si paquemodo puede incuntra con el maga texto na Biblia
El Biblia tiene 66 diutay maga libro. Ya dividi con este na dos seccion: el Hebreo-Aramaico Escritura (“Daan Testamento”) y el Cristiano Griego Escritura (“Nuevo Testamento”).
Na este estudiada, ta indica con el maga texto por medio na nombre del libro na Biblia (A), el capitulo (B) y el maga versiculo (C).
Por ejemplo, el Juan 17:3 ta refiri con el libro de Juan, capitulo 17, versiculo 3.
Baka Gusta Tambien Tu
MAGA COMON PREGUNTA
Cosa el Bible Study que Ta Ofrece el Maga Testigo de Jehova?
Na programa de Bible study que ta ofrece el maga Testigo de Jehova, puede tu usa maskin cosa translation de Biblia. Puede tu invita con el de tuyu entero familia o maskin quien amigo para man junto contigo.
