Gracias cay ya dale tu tiempo examina con este brosyur para conocé pa mas con el maga Testigo de Jehova, con el diamon organizacion y sabé mas acerca el diamon maga actividad. Ojala, ya puede este ayudá contigo para conocé kanamon como el quien ta hace el voluntad de Jehova ahora. Ta anima kame contigo que continua estudia con el Biblia, converza na de tuyu familia y maga amigo o amiga acerca el cosa tu ta aprende y pirmi atende na diamon maga miting.—Maga Hebreo 10:23-25.

Mientras ta omenta el de tuyu saber acerca con Jehova, mas ta puede tu sinti que ta ama le contigo. Ese hay manda mové contigo para demonstra tambien el de tuyu amor con ele. (1 San Juan 4:8-10, 19) Pero paquemodo tu se puede hace? Porque bueno para contigo si sigui tu el su principio acerca na moral? Y cosa hay ayudá contigo para hace tu el voluntad del Dios junto kanamon? Alegre el quien ta man Bible study contigo ayudá para incuntra tu el maga contestacion. Na ese manera, tu y el de tuyu familia puede ‘esta na amor del Dios’ mientras ta espera con el “Vida Eterno.”—San Judas 21.