El palabra “pioneer” ta referi con aquellos quien ta descubri nuevo teritorio y ta abri el camino para con otro. Un pioneer tambien si Jesus cay ya imbia con ele aqui na tierra para sirvi y abri el camino para na salvacion. (Mateo 20:28) El maga siguidores de Jesus ahora ta usa tambien el diila tiempo para “hace maga dicipulo.” (Mateo 28:19, 20) El cuanto kanila ya decidi sirvi como maga pioneer.

Un persona que ta dedica largo tiempo na predicacion. Todo el maga Testigo de Jehova ta predica con el buen noticia. Pero, el cuanto kanila ta sirvi como maga regular pioneer que ta dedica 70 hora el mes na predicacion. Para puede se hace, manada kanila part-time lang ta trabaja. Ya iscuji tambien con otro para sirvi como maga special pioneer que ta dedica 130 hora o mas pa cada mes. Ta imbia kanila na maga lugar donde mas ta necesitá maga predicador. Simplé lang el vida del maga pioneer cay ta confia sila que dale si Jehova el diila maga necesidad. (Mateo 6:31-33; 1 Timoteo 6:6-8) Aquellos quien gendeh puede dedica largo tiempo na predicacion, puede sirvi como maga auxiliary pioneer si puede sila predica por 30 o 50 hora el mes.

Un persona que ta sirvi por causa na amor con Dios y na maga gente. Igual con Jesus, tiene tambien kame lastima con el maga gente ahora por causa na condicion del diila espiritualidad. (Marcos 6:34) Pero tiene kame el saber que puede kanila ayudá ahora y dale este kanila esperanza para na futuro. Por causa na amor del un pioneer con otro, ta sacrificia le el de suyu tiempo y fuerza para predica con otro acerca el buen noticia. (Mateo 22:39; 1 Tesalonica 2:8) Cosa el resulta? Mas queda fuerte el de suyu fe, queda le mas alegre y cerca con Dios.—Maga Actividad 20:35.

• Cosa el un pioneer?

• Porque ta dedica largo tiempo el maga pioneer na predicacion?