El Kingdom Hall amo el lugar donde ta adora con Jehova. Poreso un privilegio para kanamon ayudá mentena con el diamon Kingdom Hall para pirmi este limpio, presentablé y na buen condicion. Un importante parte tambien este na diamon sagrao adoranza y todo puede participa.

Ta man voluntario kame limpia despues el miting. Despues el cada miting, el maga hermano y hermana ta limpia na Kingdom Hall. Una vez na un semana, ta man pintakase kame hace pa mas limpieza. Un anciano o siervo ministerial el quien ta organiza con el trabajo y tiene checklist ta sigui si cosa debe hace. Depende na necesidad, el otro ta man voluntario barre, lampasea, limpia polvos, arregla maga bangko o ta buta basura. Mientras el los demas ta limpia C.R., bentana, espejo o ta rega siembra y ta limpia apuera del Kingdom Hall. Una vez na un año, tiene kame general cleaning ta hace. Ta lleva tambien kame con el maga bata durante el limpieza. Na ese manera, ta puede kame enseña kanila respeta con el lugar de adoranza.—Eclesiastes 5:1.

Ta ayudá kame si tiene cosa necesita compone. Cada año ta chequia con el Kingdom Hall, adentro y apuera. Regular este ta hace para puede mira si cosa debe compone y puede asigura que enbuenamente el condicion del Kingdom Hall. Na ese manera, puede evita el gendeh necesita gasto. (2 Cronicas 24:13; 34:10) Debe lang limpia y mentena enbuenamente con el Kingdom Hall cay este amo el lugar donde kame ta adora con el diamon Dios. Si ta hace kame se, ta dale kame mira que ta ama kame con Jehova y valoroso para kanamon este lugar de adoranza. (Salmo 122:1) Tiene tambien este buen efecto na comunidad.—2 Corinto 6:3.

• Porque kame debe mentena con el diamon lugar de adoranza?

• Paquemodo kame ta mentena el limpieza na diamon Kingdom Hall?