ARTICULO 52
Maga Mayores—Enseña con el De Ustedes Maga Anak Ama con Jehova
“El maga anak regalo estaba con Jehova.”—SAL. 127:3.
CANCION 134 Children Are a Trust From God
PREVIEW *
1. Cosa responsibilidad ya dale si Jehova con el maga mayores?
YA CREA si Jehova con el primer man maridable que tiene deseo para tiene anak. Justo el cosa ta habla el Biblia: “El maga anak regalo estaba con Jehova.” (Sal. 127:3) Cosa este quierre decir? Imagina que el de tuyu amigo ya manda contigo recuji con el de suyu grande cantidad de sen. Cosa tu sinti? Asigurao, alegre tu cay ya confia le contigo. Pero, posible tan lingasa tu si cosa tu hace para gendeh perde el sen. Si Jehova, el diaton bien cerca Amigo, ya dale con el maga mayores un cosa que mas valoroso pa contra na sen. Ya dale le kanila el responsibilidad para cuida con el diila maga anak y asigura que alegre sila.
2. Cosa maga pregunta kita considera?
2 Quien debe decidi si el man maridable ba hay tiene anak y si cuando se sila tiene? Y cosa hace el maga mayores para ayuda con el diila maga anak tiene un alegre vida? Considera con el cuanto principio na Palabra del Dios que puede ayuda con el maga man maridable para hace justo decision.
RESPETA CON EL DECISION DEL MAN MARIDABLE
3. (a) Quien debe decidi si el man maridable ba hay tiene anak? (b) Cosa principio na Biblia el debe aplica el maga amigo y familia del man maridable?
3 Na cuanto maga cultura, ta expecta el maga gente que el maga nuevo casao tiene dayun anak despues del diila casamiento. Baka man pressure pa gane el maga familia y el otro con el nuevo casao que sigui con ese practica. Si Jethro, un hermano na Asia, ya habla: “Na diamon congregacion, Gal. 6:5) Asigurao, quierre el maga amigo y familia que el nuevo casao queda alegre. Pero necesita sila acorda que el decision que tiene anak o gendeh ta esta na man maridable.—1 Tes. 4:11.
el cuanto quien tiene maga anak tan pressure con el maga man maridable quien nuay anak que principia ya hace familia.” Si Jeffrey, otro hermano na Asia, ya puede observa: “El cuanto ta habla con el maga man maridable quien nuay anak que nuay kanila quien cuida si de edad ya sila.” Pero, el man maridable debe decidi si tiene ba sila anak o gendeh. Diila se responsibilidad. (4-5. Cosa dos pregunta el debe discuti el man maridable y cuando el justo tiempo que discuti sila con ese? Explica.
4 El man maridable quien ya decidi tiene anak debe discuti con el dos importante pregunta: Una, cuando sila quierre tiene anak? Ika-dos, cuanto anak sila quierre tiene? Cuando el justo tiempo que discuti sila con ese pregunta? Y porque este importante?
5 Mas mucho antes de casa, ta discuti ya el man novio y novia si tiene ba sila anak. Porque man? Cay importante gayot que igual el diila decision na este cosa. Y necesita sila considera si preparao ba sila na ese responsibilidad. El cuanto man maridable ya decidi que espera anay maga uno o dos año despues del casamiento para tiene anak. Cay si mayores ya sila, mucho tiempo y fuerza el necesita para cuida con el diila maga anak. Si gendeh dayun sila tiene anak, tiene sila tiempo para man adjust una como man maridable y queda mas cerca con uno y otro.—Ef. 5:33.
6. Cosa el decision del cuanto man maridable por causa na diaton tiempo?
6 El otro maga Cristiano ya iscuji que imita con el ejemplo del tres anak de Noe y el diila maga mujer. Ese tres man maridable nuay dayun tiene anak. (Gen. 6:18; 9:18, 19; 10:1; 2 Ped. 2:5) Ya compara si Jesus con el diaton tiempo “na tiempo de Noe” y nuay duda que ta vivi ya kita na tiempo que donde “tene maga dificultad.” (Mat. 24:37; 2 Tim. 3:1) Por causa con ese, el cuanto man maridable ya decidi que gendeh anay tiene anak para tiene sila manada tiempo na servicio con Jehova.
Si ta decidi si tiene ba anak y si cuanto anak tiene, el maga man maridable ta “carcula el maga gastos” (Mira con el parapo 7) *
7. Paquemodo el principio na Lucas 14:28, 29 y Proverbio 21:5 puede ayuda con el man maridable?
7 Si ta decidi si tiene ba anak y si cuanto anak tiene, el cuanto man maridable ta “carcula el maga gastos.” (Le con el Lucas 14:28, 29.) El maga experienciao mayores sabe que magasto hace engranda anak. Ta necesita tambien este tiempo y fuerza. Poreso, importante que considera el man maridable con este maga pregunta: ‘Necesita ba kame dos trabaja para puede dale el necesidad del familia? Tan uyun ba kame si cosa el diamon maga necesidad? Si trabaja kame dos, quien cuida con el diamon maga anak? Quien el influencia con el diila pensamiento y accion?’ Si discuti el man maridable con este maga pregunta, ta aplica sila con el palabra na Proverbio 21:5.—Le.
El un amable marido ta hace el todo para suporta con el de suyu mujer (Mira con el parapo 8)
8. Cosa maga dificil situacion el debe expecta el man maridable y cosa hace el un amable marido?
8 El anak ta necesita y conviene ricibi tiempo y fuerza estaba na cada mayores. Poreso si sunod-sunod el anak del man maridable, dificil para kanila que dale el atencion que necesita el cada uno anak. El cuanto man maridable quien tiene manada diutay anak ya habla que tan lisud sila. El nana posible pirmi cansao na fisical y emocional. Posible gaha que tiene se efecto na de suyu estudiada, rezo y regular participacion na ministerio? Posible, dificil tambien para con ele que man focus na maga miting na congregacion y beneficia con ese. Siempre, el un amable marido hay hace el cosa le puede para suporta con el de suyu mujer si el diila maga anak ta necesita atencion na miting y na casa. Por ejemplo, puede le ayuda con el de suyu mujer na maga trabajo na casa. Hace le esfuerzo para asigura que el todo puede beneficia na regular De Familia Adoranza. Y el un tata regular tan junto con el de suyu familia na ministerio.
ENSEÑA CON EL MAGA ANAK QUE AMA CON JEHOVA
9-10. Cosa debe hace el maga mayores para ayuda con el diila maga anak?
9 Cosa el cuanto cosas que puede hace el maga mayores para ayuda con el diila maga anak aprende ama con Jehova? Paquemodo sila puede protege con el diila maga anak na maga peligro na este mal mundo? Considera con el cuanto cosas que puede hace el maga mayores.
10 Pidi ayuda con Jehova por medio na rezo. Considera con el ejemplo de Manoah y del de suyu mujer, el maga mayores de Samson. Cuando ya sabe si Manoah que hay tiene sila anak, ya pidi le guia con Jehova si paquemodo hace engranda con este.
11. Paquemodo el maga mayores puede imita con el ejemplo de Manoah que ya menciona na Juez 13:8?
11 Si Nihad y Alma que ta queda na Bosnia and Herzegovina ya puede aprende na ejemplo de Manoah. Ya habla sila: “Igual con Manoah, ya pidi kame con Jehova que enseña kanamon si paquemodo queda buen mayores. Juez 13:8.
Y ya contesta si Jehova con el diamon rezo na manada manera—por medio na Escritura, publicacion que base na Biblia, maga miting na congregacion y na maga convencion.”—Le con el12. Cosa ejemplo el ya dale mira si Jose y Maria na diila maga anak?
12 Enseña por medio de ejemplo. Importante el cosa tu ta habla pero posible que el cosa tu ta hace mas grande el efecto na de tuyu anak. Puede kita asigura que si Jose y Maria ya puede dale buen ejemplo na diila maga anak, incluido ya con Jesus. Ya trabaja enbuenamente si Jose para suporta con el de suyu familia. Mas pa, ya anima si Jose con el de suyu familia que aprecia con el maga espiritual cosas. (Deut. 4:9, 10) Ya lleva le “todo el año” con el de suyu familia na Jerusalem para celebra con el Pascua maskin pa gendeh le se necesita hace asegun na Ley. (Luc. 2:41, 42) El cuanto tata na ese tiempo posible ta pensa que bien dificil, necesita grande tiempo y magasto que lleva con el entero familia. Pero, claro que ya aprecia gayot si Jose con el maga espiritual cosas y ya enseña le con el de suyu maga anak que hace tambien con ese. Si Maria bien familiar tambien na Escritura. Por medio na de suyu maga palabra y accion, nuay duda que ya enseña le con el de suyu maga anak que ama con el Palabra del Dios.
13. Paquemodo el un man maridable ya sigui con el ejemplo de Jose y Maria?
13 Si Nihad y Alma, que ya menciona enante, quierre sigui con el ejemplo de Jose y Maria. Paquemodo se ya ayuda kanila para hace engranda con el diila anak hombre para ama y sirvi con Dios? Ya habla sila: “Por medio na diamon accion, ta pricura kame dale mira con el diamon anak que mas bueno gayot que vivi asegun na maga principio de Jehova.” Si Nihad ya omenta: “Queda el persona que quierre tu imita el de tuyu anak.”
14. Porque necesita sabe el maga mayores si con quien tan junto el diila maga anak?
14 Ayuda con el de tuyu anak iscuji buen amigo. Necesita sabe el nana y tata si con quien tan junto y cosa ta hace el diila maga anak. Quierre decir de este que necesita sila sabe si con quien tan cuento el diila anak na social media y na cellphone. Ese maga persona puede influencia con el pensamiento y accion del diila maga anak.—1 Cor. 15:33.
15. Cosa puede aprende el maga mayores na ejemplo de Jessie?
15 Cosa puede hace el maga mayores si gendeh sila familiar na computer o na cellphone? Si Jessie, un tata na Pilipinas, ya habla: “Gendeh kame tanto sabe acerca na maga gadget. Pero, gendeh se ta sangga kanamon para enseña con el diamon maga anak acerca na maga posible peligro de este.” Maskin gendeh familiar si Jessie si paquemodo usa gadget, nuay le prohibi con el de suyu maga anak usa con ese. Ya explica le: “Ya habla yo con el de mio maga anak que bueno usa gadget si ta aprende nuevo lengguaje, estudia para na miting y si ta le con el Biblia todo el dia.” Si un mayores tu, ya le ya ba tu y ya discuti junto con el de tuyu maga anak el consejo que puede incuntra na “Teenagers” seccion del jw.org® acerca si tan text y tan post letrato na Internet? Yan repaso ba tu junto kanila el video Who’s in Control—You or Your Devices? y Be Social-Network Smart? * Importante se material para enseña con el de tuyu maga anak si paquemodo usa enbuenamente con el diila gadget.—Prov. 13:20.
16. Cosa ya hace el manada mayores y cosa el resulta?
16 Manada mayores el ta hace manera para man junto el diila maga anak con aquellos maga buen ejemplo na servicio con Dios. Por ejemplo, si N’Déni y Bomine, un man maridable na Côte d’Ivoire, pirmi ta invita con el circuit overseer que esta na diila casa. Si N’Déni ya habla: “Tiene este buen efecto na diamon anak hombre. Yan pioneer le y ahora ta sirvi como subtitute circuit overseer.” Puede ba tu hace igual ansina para na de ustedes maga anak?
17-18. Cuando debe principia el maga mayores enseña con el diila maga anak?
17 Enseña con el de tuyu maga anak mas temprano si posible. Mas bueno si temprano principia man train el maga mayores con el diila maga anak. (Prov. 22:6) Considera con Timoteo, quien junto ya viaja con apostol Pablo. El nana de Timoteo que si Eunice y el de suyu aguela, si Loida, yan train con ele “desde cuando bata pa.”—2 Tim. 1:5; 3:15.
18 El otro man maridable de Côte d’Ivoire, si Jean-Claude y Peace, ya puede hace engranda con el todo diila seis anak para ama y sirvi con Jehova. Cosa ya ayuda kanila para puede se hace? Ya sigui sila con el ejemplo de Eunice y Loida. Sila ya habla: “Ya enseña kame con el Palabra del Dios na diamon anak desde bata pa sila. Ya principia kame cuanto tiempo despues sila ya nace.”—Deut. 6:6, 7; ftn.
19. Cosa quierre decir que enseña con el Palabra del Dios na de tuyu maga anak?
19 Cosa quierre decir que “enseña” con el Palabra de Jehova na de tuyu maga anak? Na Biblia, el termino “enseña” puede tambien man translate como “repiti.” Para puede se hace, necesita dale tiempo el maga mayores para regular man junto con el diila maga diutay anak. Tiene vez, el maga mayores posible ta perde paciencia repiti con el diila instruccion na diila maga anak. Pero, puede sila mira con este como un manera para ayuda con el diila maga anak entende con el Palabra del Dios y aplica con ese.
Necesita determina el maga mayores si paquemodo enseña con el cada uno anak (Mira con el parapo 20) *
20. Explica si paquemodo el Salmo 127:4 puede aplica si ta hace engranda maga anak.
20 Conoce con el de tuyu maga anak. El Salmo 127 ya compara con el maga bata na pana. (Le con el Salmo 127:4.) Igual na un pana que puede hace estaba na diferente materiales y otro-otro el grandor, diferente tambien el cada anak. Poreso, necesita determina el maga mayores si paquemodo enseña con el diila cada anak. Un maridable na Israel, quien tiene dos anak que ta sirvi con Jehova, ya habla si cosa ya puede ayuda kanila: “Separtao kame tan Bible study kanila.” Siempre, el cada cabeza del familia el decidi si necesita ba o posible que estudia na ansina manera.
AYUDA CONTIGO SI JEHOVA
21. Cosa puede expecta el maga mayores estaba con Jehova?
21 Posible, bien dificil tiene vez para na maga mayores que enseña con el diila maga anak. Pero acorda que un regalo estaba con Jehova el maga anak. Preparao le pirmi ayuda con el maga mayores. Preparao le oi con el diila rezo. Y ta contesta le diila rezo por medio na Biblia, diaton maga publicacion y el ejemplo y consejo del otro maga mature mayores na congregacion.
22. Cosa el cuanto del maga buen cosas que puede dale el maga mayores con el diila maga anak?
22 El cuanto gente ta habla que ta necesita 20 año para hace engranda anak. Pero el deverasan, gendeh ta acaba alli el trabajo del maga mayores. El cuanto del maga buen cosas que puede sila dale con el diila maga anak amo el amor, tiempo y el training que base na Biblia. Diferente el reaccion del cada anak na training. Pero manada kanila quien ya engranda que el maga mayores ta ama con Jehova, ya sinti igual con Joanna Mae, un hermana na Asia, quien ya habla: “Si ta acorda yo con el training que ya ricibi yo na de mio mayores, ta rindi gayot yo gracias cay ya disciplina y ya enseña sila conmigo que ama con Jehova. Nuay lang sila basta dale conmigo vida sino ya dale sila conmigo un bien alegre vida.” (Prov. 23:24, 25) Millones del diaton maga hermano y hermana el ta sinti igual ansina.
CANCION 59 Praise Jah With Me
^ par. 5 Debe ba tiene anak el man maridable? Si decidi sila tiene anak, cuanto bilog man sila tiene? Y paquemodo sila enseña con el diila anak ama y sirvi con Jehova? Este articulo hay discuti cuanto ejemplo na diaton tiempo ahora y dale maga principio na Biblia que puede ayuda kanaton contesta con ese maga pregunta.