Ya puede ba tu le con el maga articulo na El Torre de Guardia de este año? Mira si puede tu contesta con el siguiente pregunta:

Paquemodo kita debe trata con el maga iscujido Cristiano?

Ta aprecia kita con el diila fe, pero gendeh kita ta dale kanila sobra atencion. Ta evita kita “alaba con el maga gente.” (Jud. 16) Gendeh kita ta pregunta maga personal cosas acerca na diila esperanza.—w20.01, p. 29.

Cosa debe convinci contigo que ta mira contigo si Jehova?

Ta dale mira el Biblia que ta mira ya le contigo maskin antes pa tu nace. Y ta oi le con el de tuyu maga rezo. Sabe le si cosa el na de tuyu pensamiento y na de tuyu corazon y tiene efecto con ele el cosa tu ta hace. (1 Cron. 28:9; Prov. 27:11) Ele mismo el ya hace manera para queda tu cerca con ele.—w20.02, p. 12.

Cosa el maga ejemplo si cuando kita debe man cuento y si cuando kita debe man silencio?

Alegre kita converza acerca con Jehova. Converza kita si ta puede kita mira que tiene cosa ta hace el un persona que puede resulta na serioso culpa. El maga anciano ta converza para dale consejo si necesita. Gendeh kita converza para sabe (o habla) si paquemodo ta hace con el diaton trabajo na maga lugar donde ta prohibi con este. Gendeh kita ta habla maga cosas que confidencial.—w20.03, p. 20-21.

Cosa el diferencia del maga langgostas na Joel capitulo 2 na maga langgostas na Revelacion capitulo 9?

El Joel 2:20-29 ta habla que ya arria el Dios con el maga langgostas y ya promete kanila que hay debolbe con el cosa sila ya destroza. Despues de ese, ya vacia el Dios con el de suyu espiritu. Ya cumpli se cuando el maga de Babilonia ya ataca con el Israel y na tiempo despues de ese. El Revelacion 9:1-11 ta menciona acerca con el maga iscujido na diaton tiempo quien igual na maga langgostas mientras ta proclama sila con el maga juzgamiento del Dios contra con este mal sistema que ta causa dolencia con el maga quien ta suporta con este.—w20.04, p. 3-6.

Quien el rey del norte ahora?

El Russia y el maga aliado de este. Tiene sila grande efecto na maga siervo del Dios cay ta prohibi sila con el diaton trabajo predicacion y ta odia kanaton. El rey del norte tan contra con el rey del sur.—w20.05, p. 13.

El nueve calidad ba que ya menciona na Galacia 5:22, 23 amo el completo lista del maga aspeto del “fruta del espiritu”?

Gendeh. El sagrao espiritu ta ayuda kanaton para demonstra otro pa buen calidad igual na pagka-recto. (Ef. 5:8, 9)—w20.06, p. 17.

Cosa el un peligro si tan post tu online acerca na de tuyu mismo cuerpo?

El cosa tu yan post hay dale impresion na otro gente que tan hambug tu y gendeh humilde.—w20.07, p. 6-7.

Cosa puede aprende el maga predicador con el maga buen pescador?

Ta trabaja sila na tiempo y lugar onde tiene mas manada pescao. Sabe sila usa con el justo gamit. Y ta trabaja sila con coraje maskin pa na malo tiempo. Puede tambien kita hace igual ansina na diaton ministerio.—w20.09, p. 5.

Cosa el cuanto maga manera que puede kita hace para ayuda con el maga Bible study hace hondo el diila amor con Jehova?

Puede kita anima kanila que le con el Biblia cada dia y medita con el cosa sila ya le. Y puede kita enseña kanila reza.—w20.11, p. 4.

Quien el incluido na expresion: “Todo sila ay vivi otra vez na persona de Cristo”?—1 Cor. 15:22.

Nuay habla si apostol Pablo que todo gente hay resucita. Ya refiri le con el maga iscujido Cristiano “con quien ya santifica y ya hace unido con Cristo Jesus.” (1 Cor. 1:2, NWT; 15:18)—w20.12, p. 5-6.

Cosa hace el maga iscujido despues sila cambia “na un kisap lang del ojos, na sonor del ultimo trompeta”?—1 Cor. 15:51-53.

Hay man junto sila con el Cristo para goberna con el maga nacion con baston de hierro. (Rev. 2:26, 27)—w20.12, p. 12-13.