ARTICULO 4
Si Cosa Kanaton Ta Enseña el un Simple Ocasion Acerca na Diaton Rey
“Este amo el dimio Cuerpo. . . . Este amo el dimio Sangre, el Sangre del Contrato.”—MAT. 26:26-28.
CANCION 16 Praise Jah for His Son, the Anointed
PREVIEW *
1-2. (a) Porque kita puede expecta que simple el manera del comemoracion del muerte de Jesus? (b) Cosa maga calidad kita hay discuti?
PUEDE ba tu habla si paquemodo ta hace el Comemoracion del muerte de Jesus cada año? Asigurao, mayoria kanaton ta acorda si cosa ta hace durante ese ocasion. Porque? Cay simple lang este. Pero bien importante este ocasion. Poreso, posible pregunta kita, ‘Porque bien simple el Comemoracion?’
2 Durante el ministerio de Jesus aqui na tierra, ya conoce con ele como quien ta enseña maga importante verdad na manera que simple, claro y facil para entende. (Mat. 7:28, 29) Na igual manera, ya dale le mira si paquemodo kita comemora * con el de suyu muerte na simple y importante manera. Discuti kita acerca con este Comemoracion y cuanto cosas que ya habla y ya hace si Jesus. Hay aprende kita acerca el humildad, coraje y amor de Jesus y si paquemodo kita puede mas imita con ele.
HUMILDE SI JESUS
El pan y vino durante el Comemoracion ta hace kanaton acorda que ya dale si Jesus de suyu vida para kanaton y ta reina ya le na cielo como Rey (Mira con el parapo 3-5)
3. Asegun na Mateo 26:26-28, paquemodo de simple el Comemoracion que ya introduci si Jesus y na cosa ta representa el dos simple cosas que ya usa le?
3 Ya introduci si Jesus con el Comemoracion del de suyu muerte na presencia del de suyu 11 fiel apostoles. Ya usa le con el sobra comida de Pascua y ya hace este simple comemoracion. (Le con el Mateo 26:26-28.) Ya usa le con el pan que nuay levadura y el vino. Ya habla si Jesus con el de suyu maga apostoles que aquel dos simple cosas ta representa con el de suyu perfecto cuerpo y sangre, que gendeh dura hay sacrificia le para kanila. Posible, ta expecta ya el maga apostoles que simple este importante nuevo ocasion. Porque?
4. Na cosa manera el consejo de Jesus con Marta ayuda kanaton entende si porque ya hace le simple el Comemoracion?
4 Considera si cosa ya pasa cuanto meses antes del Comemoracion. Durante el ika-tres año del ministerio de Jesus, ya visita le con el de suyu maga amigo—kanda Lazaro, Marta y Maria. Na ese tiempo, ya enseña si Jesus. Presente si Marta pero bien ocupao gayot le prepara manada comida para na de suyu visita. Cuando ya nota este si Jesus, ya corecta le con Marta y ya hace con ele entende que gendeh pirmi necesita prepara manada comida. (Luc. 10:40-42) Ya aplica tambien si Jesus de suyu mismo consejo cuanto hora antes le sacrificia de suyu vida. Ya hace le simple el Comemoracion. Cosa este ta enseña kanaton acerca con Jesus?
5. Cosa ta dale mira este simple cena acerca con Jesus y paquemodo el Filipo 2:5-8 ta suporta con este?
5 Humilde si Jesus na todo cosa le ya habla y ya hace. Poreso, gendeh maka-estraña que bien humilde le na ultimo noche del de suyu vida aqui na tierra. (Mat. 11:29) Sabe le que cerca ya le ofrece el de con todo grande sacrificio na historia del gente y hay resucita con ele si Jehova para queda rey na cielo. Maskin pa sabe le este, nuay le manda hace un complicao ceremonia para gendeh man centro con ele el atencion del otro. Sino, ya habla le con el de suyu maga dicipulo que debe sila acorda con ele por medio de un simple cena una vez na un año. (Juan 13:15; 1 Cor. 11:23-25) Este simple pero propio cena ta dale mira que gendeh orgulloso si Jesus. Alegre kita que uno del maga calidad del diaton Rey na cielo amo el humildad.—Le con el Filipo 2:5-8.
6. Paquemodo kita puede imita con el humildad de Jesus si ta enfrenta maga probanza?
6 Paquemodo kita puede imita el humildad de Jesus? Por medio de hace una el bien del otro y gendeh el diaton mismo cuerpo. (Fil. 2:3, 4) Acorda con el ultimo noche de Jesus aqui na tierra. Maskin pa sabe si Jesus que cerca ya le muri, ya pensa le siempre el bien del de suyu maga fiel apostoles quien hay queda triste. Poreso, ya usa le con el de suyu ultimo noche para enseña, anima y dale asiguranza kanila. (Juan 14:25-31) Con humildad si Jesus ya pensa el bien del otro en vez el de suyu mismo cuerpo. Un buen ejemplo gayot le para kanaton!
TIENE CORAJE SI JESUS
7. Paquemodo ya dale mira coraje si Jesus despues le introduci con el Cena del Señor?
7 Despues introduci si Jesus con el Cena del Señor, ya demonstra le coraje. Paquemodo? Ya acepta le con el querrer del de suyu Tata para con ele maskin pa sabe le que hay sentencia con ele muerte por causa na blasfemia. (Mat. 26:65, 66; Luc. 22:41, 42) Ya mentena si Jesus de suyu integridad para dale honor con el nombre de Jehova, suporta con el soberania del Dios y hace posible el vida eterna para na maga gente quien hay arripinti. Ya prepara tambien le con el de suyu maga siguidores na cosa sila enfrenta na futuro.
8. (a) Cosa ya habla si Jesus con el de suyu maga fiel apostoles? (b) Cuanto año despues del muerte de Jesus, paquemodo ya demonstra coraje el maga dicipulo?
8 Ya dale tambien mira coraje si Jesus cuando yan focus le na necesidad del de suyu maga fiel apostoles en vez na de suyu mismo lingasa. El simple cena que ya introduci le despues sale si Judas, hay manda acorda con aquellos quien hay queda de suyu maga iscujido siguidores el beneficio del sacrificio de Jesus y del nuevo contrata. (1 Cor. 10:16, 17) Para ayuda kanila esta fiel y man junto con Jesus na cielo, ya habla si Jesus si cosa ele y de suyu Tata ta expecta kanila. (Juan 15:12-15) Ya menciona tambien si Jesus acerca na maga probanza que enfrenta sila na futuro. Despues, ya anima le kanila que sigui con el de suyu ejemplo que “tene animo.” (Juan 16:1-4a, 33) Cuanto año ya pasa, ta sigui siempre el maga dicipulo con el de suyu ejemplo que conforme hace sacrificio y demonstra coraje. Maskin pa sufri sila, ta suporta sila con uno y otro na diila diferente probanza.—Heb. 10:33, 34.
9. Paquemodo kita puede dale mira coraje igual con Jesus?
9 Ta dale tambien kita mira coraje ahora igual con Jesus. Por ejemplo, ta necesita coraje para asisti con el diaton maga hermano y hermana quien ta enfrenta persecucion por causa na diila fe. Tiene vez, ta hace preso kanila. Si sucede se, debe kita hace el todo para defende y ayuda kanila. (Fil. 1:14; Heb. 13:19) El otro manera que puede kita dale mira coraje amo si continua kita predica “sin miedo.” (Act. 14:3) Igual con Jesus, determinao kita predica con el mensaje del Reino maskin pa posible kanaton man contra y persigui el otro. Pero tiene vez, baka ta sinti kita que falta kita coraje. Cosa kita puede hace?
10. Na maga semana antes del Comemoracion, cosa kita debe hace y porque?
10 Puede kita hace fuerte con el diaton coraje si medita kita con el esperanza que ya hace posible el rescate de Jesus para kanaton. (Juan 3:16; Ef. 1:7) Na maga semana antes del Comemoracion, tiene kita especial oportunidad para mas aprecia con el rescate. Durante ese tiempo, sigui con el schedule del lehida de Biblia acerca na maga suceso antes y despues del muerte de Jesus y medita con ese. Y si atende kita con el Comemoracion, mas entende pa kita si porque bien importante el maga emblema y si na cosa este ta representa. Si sabe kita si cosa ya hace si Jesus y si Jehova y el beneficio de este para kanaton y con aquellos quien kita ta ama, mas asigurao kita na diaton esperanza y manda este move kanaton para tiene coraje y aguanta hasta na fin.—Heb. 12:3.
11-12. Cosa ya kita ya puede aprende?
11 Ya puede kita aprende que el Cena del Señor ta hace kanaton acorda gendeh lang Heb. 7:24, 25, NW) Para dale mira el diaton apreciacion, debe kita continua comemora con el muerte de Jesus como cosa le ya manda. (Luc. 22:19, 20) Ta hace kita con este na dia que ta tupa na Nisan 14, el de con todo importante dia del año.
el precioso rescate de Jesus sino el humildad y coraje tambien de suyu. Ta rindi kita gracias cay ta continua dale mira si Jesus este maga calidad como diaton Alto Sacerdote quien ta suplica para kanaton! (12 Na simple Cena del Señor, puede tambien kita aprende otro calidad que ya manda move con Jesus que sacrificia de suyu vida para kanaton. Conocido le que tiene ese calidad. Cosa se?
AMABLE SI JESUS
13. (a) Cosa ta habla el Juan 15:9 y 1 San Juan 4:8-10 acerca na amor que ya dale mira si Jehova y si Jesus? (b) Quien ta beneficia na diila amor?
13 Na todo cosa ya hace si Jesus, ya reflecta le el hondo amor de Jehova para kanaton. (Le con el Juan 15:9; 1 San Juan 4:8-10.) Mas pa na todo, el amor de Jesus amo el ya manda move con ele para dale de suyu vida para kanaton. Iscujido Cristiano man kita o parte del “otro maga carnero,” ta beneficia kita na amor que ya dale mira si Jehova y el de suyu Anak para kanaton por medio de ese sacrificio. (Juan 10:16; 1 Juan 2:2) Acorda tambien con el emblema que ya usa na Comemoracion. Ta revela este el amor y consideracion de Jesus para na de suyu maga dicipulo. Paquemodo?
Na amable manera, ya introduci si Jesus con el Comemoracion que simple y puede hace na maskin cosa siglo y situacion (Mira con el parapo 14-16) *
14. Na cosa manera ya dale mira amor si Jesus con el de suyu maga siguidores?
14 Ya dale mira amor si Jesus con el de suyu maga iscujido siguidores cuando ya manda le hace simple cena, gendeh un complicao ritual. Aquellos maga iscujido dicipulo necesita hace con el Comemoracion cada año maskin na diferente situacion, incluido ya aquellos talli na preso. (Rev. 2:10) Ya puede ba sila obedece con Jesus? Si!
15-16. Paquemodo el cuanto ya puede comemora con el Cena del Señor maskin pa na maga dificil situacion?
15 Principia na primer siglo hasta ahora, el maga deverasan Cristiano ta hace esfuerzo para comemora con el muerte de Jesus. Ta hace sila el todo para sigui el manera del Cena del Señor, tiene vez maskin na maga dificil situacion. Nota con el siguiente ejemplo. Cuando solo-solo si Hermano Harold King na preso alla na China, necesita le hace manera para comemora con el Cena del Señor. Secreto le ya prepara con el emblema para na Comemoracion usando el cosa le tiene. Ya carcula tambien le enbuenamente con el dia del Comemoracion. Cuando dia ya del Comemoracion, maskin solo, ya canta le, ya reza y ya dale discurso.
16 Este el otro ejemplo. El un grupo del maga hermana na concentration camp durante el Guerra Mundial II ya pone el diila vida na peligro para comemora con el Cena del Señor. Pero cay simple lang el cosas ta usa na ese ocasion, ya puede sila comemora con el Cena del Señor na secreto manera. Ya habla sila: “Ya para kame junto-junto alrededor del diutay banco con blanco tela que tiene pan y vino encima. Ya usa kame candela ciendo posible kanamon mira si usa kame luz de corriente. . . . Ya promete kame otravez con el diamon Tata que usa kame el todo diamon fuerza para na vindicacion del De Suyu sagrao nombre.” Ya demonstra gayot sila grande fe! Y grande gayot el amor de Jesus cay ya hace le posible que puede kita hace con el Comemoracion maskin pa na dificil situacion!
17. Cosa kita posible pregunta na diaton mismo cuerpo?
17 Mientras cerca ya el Comemoracion, pregunta kita na diaton mismo cuerpo este siguiente pregunta: ‘Paquemodo yo mas puede dale mira amor igual con Jesus? Mas ta pensa ba yo el necesidad del de mio maga hermano y hermana en vez na de mio necesidad? Ta expecta ba yo sobra na de mio maga hermano y hermana contra na cosa sila puede hace o ta considera yo el diila maga limitacion?’ Ojala pirmi kita puede imita con Jesus y dale mira “lastima.”—HACE CLARO ESTE LECCION NA DE TUYU PENSAMIENTO
18-19. (a) Cosa kita puede asigura? (b) Cosa tu determinao hace?
18 Cerca ya llega el tiempo que gendeh mas kita necesita hace con el Comemoracion del muerte del Cristo. Si “vene” si Jesus durante el grande tribulacion, hay ajunta le con el maga “escujido” para na cielo y gendeh mas kita comemora con este.—1 Cor. 11:26; Mat. 24:31.
19 Maskin llega el tiempo que gendeh mas kita hace con el Comemoracion, puede kita asigura que el maga siervo de Jehova hay acorda con este simple cena como simbolo del humildad, coraje y amor que ya dale mira si Jesus kanaton. Si sucede ya se, aquellos quien ya puede atende con este ocasion hay man cuento acerca con este para beneficia aquellos vivo na ese tiempo. Pero para beneficia ahora con este ocasion, debe determinao kita imita con el humildad, coraje y amor de Jesus. Si hace kita se, puede kita asigura que hay ricibi kita el bendicion estaba con Jehova.—2 Ped. 1:10, 11.
CANCION 13 Christ, Our Model
^ par. 5 Cerca ya kita celebra con el Cena del Señor para comemora con el muerte de Jesucristo. Este simple ocasion ta enseña kanaton acerca na humildad, coraje y amor de Jesus. Na este articulo, hay discuti kita si paquemodo kita puede imita con este maga precioso calidad.
^ par. 2 SI COSA QUIERRE DECIR: El palabra comemora quierre decir que hace un cosa que especial para acorda y dale honor con el un importante persona o ocasion.
^ par. 56 DETALLE DE LETRATO: Reenactment del maga fiel siervo que ta hace con el Comemoracion del primer siglo; maga 1880; na Nazi concentration camp; y na diaton tiempo, na simple Kingdom Hall na South America.