DEL Miercoles aga, Enero 24, 2018, el maga hermano na Bethel na United States y Canada alegre oi un especial anuncio: Si Hermano Kenneth Cook, Jr. ya queda miembro del Cuerpo Gobernante del maga Testigo de Jehova.

Ya nace y ya engranda si Hermano Cook na Pennsylvania, U.S.A. Ya puede le aprende el verdad na de suyu classmate antes le gradua high school y ya bautiza con ele del Junio 7, 1980. Ya principia le sirvi como un regular pioneer del Septiembre 1, 1982. Despues sirvi como un pioneer adentro de dos año, ya llama con ele para sirvi na Bethel. Ya principia le de suyu servicio na Wallkill, New York, del Octubre 12, 1984.

Despues adentro de 25 año, ya tiene otro-otro assignment si Hermano Cook na Printery y na Bethel Office. Ya casa le con Jamie del 1996 y yan junto sila sirvi na Wallkill. Del Deciembre 2009, ya transfiri con Hermano y Hermana Cook na Watchtower Educational Center na Patterson, New York, donde yan assign con Hermano Cook para trabaja na Writing Correspondence Department. Del Abril 2016, cuanto tiempo despues sila bira na Wallkill, ya transfiri kanila na Brooklyn, New York. Despues de cinco meses, ya cambia sila na world headquarters na Warwick, New York. Del Enero 2017, ya iscuji con Hermano Cook para sirvi como un helper na Writing Committee del Cuerpo Gobernante.