NA Bible Lands Museum na Jerusalem, tiene un piedra que tiene escribida que ya hace del maga año 700-600 B.C.E. Estaba el piedra na un cueva donde ta entera cerca na Hebron na Israel. El escribida ta habla: “Si Yahweh Sabaot ya maldeci con Hagaf, el anak hombre de Hagav.” Paquemodo este escribida ta suporta con el Biblia? Ta dale este mira que el nombre del Dios, Jehova, que escribido como YHWH na Hebreo letra de antes, amo conocido y pirmi ta usa na tiempo de Biblia. Gane, el otro maga escribida na maga cueva que ta usa para entera ta dale mira que aquellos quien ta anda na cueva para man mirajan y esconde, pirmi ta escribi con el nombre del Dios na maga urilla del cueva junto na maga personal nombre que ta inclui con el cuanto forma del nombre del Dios.

Acerca na este maga escribida, si Dr. Rachel Nabulsi de University of Georgia ya habla: “El nombre YHWH manada beses puede mira na este maga escribida. Tiene este cosa ta enseña kanaton. . . . El maga escribida ta dale mira que importante si YHWH na vida del maga de Israel y de Juda.” Ta suporta este con el Biblia donde el nombre del Dios que escribido como YHWH na Hebreo letra puede incuntra miles de beses. Manada del personal nombre del gente el ta inclui el nombre del Dios.

El maga palabra “Yahweh Sabaot” que escribido na piedra, quierre decir “Jehova de maga soldao.” Poreso, dol ta indica este que gendeh lang el nombre del Dios, sino pati el expresion “Jehova de maga soldao” amo pirmi ta usa na tiempo del Biblia. Ta suporta tambien este con el usada del Biblia del frase “Jehova de maga soldao” que puede incuntra 283 beses na Hebreo Escritura, mayoria alli na escribida de Isaias, Jeremias y Zacarias.