Igual con el manada, posible que tan dificil tambien tu acorda con el cosa tu ya estudia. Pero, ya puede ba tu nota que facil acorda con el maga cosas que ya enseña si Jesus? Por causa se cay ya usa le maga ilustracion. Ta puede kita imagina con el cosa le ta enseña y ta ayuda se para acorda kita el leccion. Na igual manera, mas puede tu acorda con el cosa tu ta estudia si man drawing tu con el cosa tu ta imagina mientras ta estudia.

Aquellos quien tan drawing mientras ta estudia gendeh pronto ta ulvida con el cosa sila ya aprende. Mas ta puede tambien sila entende, gendeh lang con el maga palabra, sino maskin con el maga leccion o punto del cosa sila ya estudia. Gendeh complicao el diila maga drawing sino simple lang. Y asegun na research, ta beneficia tambien con este especialmente el maga de edad.

Si estudia tu, pruba man drawing con el cosa tu ya aprende. Asigurao, manada tu cosa puede acorda!