BAJO na Ley, puede dale tortola y paloma como ofrecimiento para con Jehova. Pirmi ta menciona con este dos pajaro si ta menciona con el maga ley acerca na ofrecimiento y puede usa con el uno si nuay el otro. (Lev. 1:14; 12:8; 14:30) Porque bueno que ya inclui con ese dos pajaro? El un razon amo cay gendeh pirmi puede obtene tortola. Porque?

El maga tortola ta queda na lugar de Israel durante el tiempo de soles. Cada Octubre, ta anda sila pa-sur na maga nacion que caliente el clima y ta bira na Israel durante el spring. (Can. 2:11, 12; Jer. 8:7) Quierre decir na Israel de antes, dificil para na maga Israelita que ofrece tortola como ofrecimiento durante el tiempo de frieldad.

Pero mas mucho, el maga paloma gendeh ta cambia lugar poreso tiene maga paloma na Israel na entero año. Mas pa, ta cuida el maga gente maga paloma. (Compara na Juan 2:14, 16.) Asegun na libro Bible Plants and Animals, “tiene ta cuida maga paloma na todo maga barrio y ciudad na Palestina. El cada dueño de casa tiene casa de paloma o agujero na dindin, donde puede esta el maga pajaro.”—Compara na Isaias 60:8.

Ta dale mira si Jehova que amable le y razonable cay ta acepta le como ofrecimiento con el maga pajaro que facil obtene el maga Israelita na entero año.