Todo kita limitao lang el tiempo para na personal study. Paquemodo kita puede usa mas enbuenamente con este tiempo? Una, no apura. Mas beneficia tu si estudia tu enbuenamente con el un material contra que apura le con el bien manada informacion.

Despues, pensa si cosa tu una estudia. (Ef. 5:15, 16) Considera con este maga sugestion:

• Le con el Biblia cada dia. (Sal. 1:2) Puede tu principia na maga capitulo que ta estudia kita na diaton midweek miting cada semana.

• Prepara para na Estudiada del El Torre de Guardia y midweek miting. Prepara con el de tuyu comento.—Sal. 22:22.

• Pricura tambien le y mira con el otro pa maga espiritual comida, igual na maga magasin para na publico, video y material na jw.org.

• Hace un study project. Puede tu man research acerca na un dificultad que ta enfrenta tu, un pregunta que tiene tu o un topico na Biblia que quierre tu mas entende. Para na cuanto sugestion, mira con el seccion “Bible Study Activities” na jw.org.