ARTICULO 24
Puede Tu Escapa na Maga Trampa de Satanas!
“Escapa na trampa di Satanas.”—2 TIM. 2:26, El Nuevo Testamento.
CANCION 36 We Guard Our Hearts
PREVIEW *
1. Porque kita puede compara con Satanas na un pajareador?
UNO lang el cosa quierre el pajareador—cuji o mata con el animal. Puede le usa diferente clase de trampa igual na cosa ya nota el Biblia. (Job 18:8-10) Paquemodo posible el un pajareador engaña con el un animal para anda na trampa? Ta estudia le con el animal. Onde este ta anda? Na cosa este interesao? Cosa trampa el gendeh este puede gole? Si Satanas igual con ese pajareador. Ta estudia le kanaton. Ta nota le si onde kita ta anda y na cosa kita interesao. Y despues, hay pone le trampa na tiempo que gendeh kita ta expecta. Maskin pa ansina, el Biblia ya asigura que si cuji kanaton, puede siempre kita escapa. Ta enseña tambien este kanaton si paquemodo evita con ese maga trampa.
El orgullo y pagka-hambriento amo el dos na de con todo efectivo trampa que ta usa si Satanas (Mira con el parapo 2) *
2. Cosa el dos na de con todo efectivo trampa de Satanas?
2 El dos na de con todo efectivo trampa de Satanas amo el orgullo y pagka-hambriento. * Por miles de año, efectivo ya usa si Satanas con ese umalin custumbre. Igual le na un pajareador quien ta engaña con el maga pajaro para guinda na trampa o ta cuji kanila por medio de net. (Sal. 91:3) Pero, puede kita evita con el trampa de Satanas. Porque? Cay si Jehova ya revela kanaton el maga tactica que ta usa si Satanas.—2 Cor. 2:11.
Puede kita aprende na maga ejemplo na Biblia si paquemodo evita o escapa na maga trampa de Satanas (Mira con el parapo 3) *
3. Porque ya inclui si Jehova maga ejemplo na Biblia?
3 El un manera que ta dale kanaton aviso si Jehova acerca na orgullo y pagka-hambriento amo por medio na maga deverasan 1 Cor. 10:11) Sabe le que puede kita aprende na diila maga mal ejemplo para puede evita o escapa na maga trampa del Diablo.
experiencia del de suyu maga siervo. Nota na maga ejemplo que hay considera kita si paquemodo si Satanas ya puede engaña maskin con el maga mature siervo de Jehova. Quierre decir ba de ese que gendeh ya gayot kita puede evita queda orgulloso y hambriento? Siempre gendeh! Ya inclui si Jehova este maga ejemplo na Biblia como “un aviso para canaton.” (EL TRAMPA DE ORGULLO
Mira con el parapo 4
4. Cosa puede sucede kanaton si orgulloso kita?
4 Quierre si Satanas que queda kita orgulloso. Sabe le que si permiti kita con el gendeh justo orgullo que domina kanaton, hay queda kita igual con ele y perde el diaton esperanza que obtene vida hasta para cuando. (Prov. 16:18) Poreso, si apostol Pablo ya dale aviso que posible “ay domina con [el un persona] el orgullo y ay queda le condenao igual con el Demonio.” (1 Tim. 3:6, 7) Puede se sucede con el maskin quien kanaton, nuevo man kita na verdad o ta sirvi ya con Jehova por manada año.
5. Como cosa ta habla na Eclesiastes 7:16, 20, paquemodo el un persona posible dale mira orgullo?
5 Canalla el maga orgulloso gente. Ta pricura kanaton manda pensa si Satanas que mas man focus na diaton mismo cuerpo en vez con Jehova, especialmente si ta enfrenta kita problema. Por ejemplo, tiene ba contigo quien ya hace falso acusacion? O tiene ba contigo quien ya trata na gendeh justo manera? Quierre si Satanas que rabia tu con Jehova o con el de tuyu maga hermano. Y quierre el Diablo que pensa tu que el solamente solucion na de tuyu problema amo que hace con el maga cosas na de tuyu mismo manera en vez de sigui con el guia de Jehova que ta dale le na de suyu Palabra.—Le con el Eclesiastes 7:16, 20.
6. Cosa tu puede aprende na experiencia del un hermana de Netherlands?
6 Considera con el experiencia del un hermana de Netherlands quien ya rabia por causa na imperfeccion del otro. Ya decidi le que gendeh mas le man junto kanila. “Ya sinti yo programa de Marzo 2016 JW Broadcasting®. Aquel programa ya dale con ele cuanto sugestion si paquemodo enfrenta con el imperfeccion del otro. El hermana ya habla: “Ya puede yo aprende que necesita yo queda humilde y mira con el de mio mismo kamali en vez de pricura cambia con el maga hermano y hermana na congregacion. El programa ya ayuda conmigo que man focus con Jehova y na de suyu soberania.” Ya puede ba tu saca el punto? Si tiene tu problema, pirmi pensa con Jehova. Pidi con ele que ayuda contigo mira con otro igual si paquemodo le ta mira kanila. El de tuyu Tata na cielo ta mira con el diila maga kamali pero preparao le perdona kanila. Quierre le que hace tambien tu igual ansina.—1 Juan 4:20.
bien triste y ya pensa que gendeh yo puede perdona kanila,” ya habla le. “Ya habla yo con el de mio marido que necesita kame cambia na otro congregacion.” Despues, ya mira le con elMira con el parapo 7
7. Cosa ya sucede con Rey Ozias?
7 Orgullo el ya guia con Rey Ozias de Juda para gendeh acepta consejo y hace con el un cosa que nuay con ele manda. Manada trabajo ya hace si Ozias que ya tiene buen exito. Ya ganá le na manada guerra, ya planta manada ciudad y ya tiene manada hacienda. “El verdadero Dios ya bendici con ele.” (2 Cron. 26:3-7, 10) “Pero cuando ya queda ya le poderoso, ya queda le orgulloso y este el ya pone con ele na peligro,” ya habla el Biblia. Si Jehova ya habla que el maga sacerdote lang el puede ofrece incenso na templo. Pero, si Rey Ozias ya hace con el un cosa que nuay le derecho para hace y ya entra na templo para ofrece incenso. Nuay quel gusta si Jehova y ya hace leproso con ese orgulloso gente. Ya queda leproso si Ozias hasta na de suyu muerte.—2 Cron. 26:16-21.
8. Uyun na 1 Corinto 4:6, 7, paquemodo kita evita que queda orgulloso?
8 Puede ba kita queda orgulloso y culpa igual con Ozias? Considera con el ejemplo de José. Un rico negociante le quien ta sirvi como un anciano na congregacion. Ta dale le maga talk na maga asemblea y convencion, y ta pidi con ele consejo el maga circuit overseer. “Pero, ya confia yo na de mio mismo abilidad y experiencia,” ya admiti le. “Nuay yo confia con Jehova. Pensaba yo fuerte yo poreso nuay yo oi con el maga aviso y consejo de Jehova.” Ya comete serioso culpa si José y yan disfellow con ele. Despues del cuanto año, ya bira le otravez. 1 Corinto 4:6, 7.) Si orgulloso kita, gendeh kanaton usa si Jehova.
Ahora ya habla le: “Si Jehova ya enseña conmigo que gendeh importante el posicion que tiene kita sino hace si cosa le ta pidi kanaton.” Necesita kita acorda que estaba con Jehova el maskin cosa talento y privilegio que tiene kita na congregacion. (Le con elEL TRAMPA DE PAGKA-HAMBRIENTO
Mira con el parapo 9
9. Cosa el resulta del pagka-hambriento de Satanas y Eva?
9 Si pensa kita acerca na pagka-hambriento, posible puede dayun kita pensa con Satanas Diablo. Como uno na maga angel de Jehova, asigurao manada maga bonito privilegio si Satanas. Pero, mas pa el cosa le quierre. Quierre le que adora con ele—un cosa que debe lang para con Jehova. Quierre si Satanas que queda kita igual con ele. Poreso, ta pricura le kanaton manda sinti gendeh contento na cosa kita tiene. El primer vez que ya pricura se hace si Satanas amo cuando yan cuento le con Eva. Si Jehova ya dale abundancia comida con Eva y con el de suyu marido. Puede sila come con el fruta “del todo pono na jardin” puera con el uno. (Gen. 2:16) Pero, ya engaña si Satanas con Eva y ya manda pensa que necesita le come con el fruta del pono que ya prohibi kanila. Nuay aprecia si Eva con el cosa le tiene; mas pa el cosa le quierre. Sabe kita si cosa el resulta de ese. Ya culpa si Eva y na uliji, ya muri le.—Gen. 3:6, 19.
Mira con el parapo 10
10. Cosa ya sucede cuando ya queda hambriento si Rey David?
10 El pagka-hambriento amo el ya guia con Rey David para ulvida con el cosa ya dale con ele si Jehova—incluido el riqueza, pagka-prominente y el manada guerra que ya ganá le contra con el de suyu maga enemigo. Ya aprecia gayot si David con el “bien manada” bendicion que ya dale con ele el Dios. (Sal. 40:5) Pero na un tiempo del de suyu vida, ya ulvida si David con el cosa con ele ya dale si Jehova. Nuay mas le queda contento; mas pa el cosa le quierre. Maskin pa manada mujer si David, ya permiti le que crici na de suyu corazon el deseo que saca con el mujer del otro. Ese mujer amo si Batseba y el de suyu marido amo si Urias que un Hitita. Ya comete sexual relacion si David con Batseba y ya queda le priñada. Dol gendeh contento na adulterio que ya hace le, ya manda pa si David mata con Urias! (2 Sam. 11:2-15) Cosa ta pensa si David? Ya imagina ba le que gendeh ta mira si Jehova? Maskin pa ya dura ya ta sirvi si David con Jehova, ya queda le hambriento y ya causa este con ele manada sufrimiento. Bueno ya lang na uliji, ya admiti si David con el de suyu pecado y ya arripinti. Bien alegre gayot le cay ya perdona con ele si Jehova!—2 Sam. 12:7-13.
11. Asegun na Efeso 5:3, 4, cosa puede ayuda kanaton para ganá con el pagka-hambriento?
11 Cosa kita puede aprende na ejemplo de David? Ya aprende kita que puede kita ganá con el pagka-hambriento si aprecia kita con el todo cosas que ya dale kanaton si Jehova. (Le con el Efeso 5:3, 4.) Debe kita queda contento na cosa kita tiene. Ta anima con el maga nuevo Bible study que pensa un especifico bendicion y rindi gracias con Jehova por causa con ese. Si hace se el un persona cada dia adentro na un semana, quierre decir ya puede le reza acerca na siete diferente topico. (1 Tes. 5:18) Ta hace ba tu igual ansina? Si medita tu con el todo cosa ya hace si Jehova para contigo, puede se ayuda para puede tu rindi gracias. Y si sabe tu rindi gracias, hay queda tu contento. Y si contento tu, gendeh tu queda hambriento.
Mira con el parapo 12
12. Cosa ya hace si Judas Iscariote por causa na pagka-hambriento?
12 El pagka-hambriento ya guia con Judas Iscariote para traiciona con Jesus. Pero, gendeh le ansina del una. (Luc. 6:13, 16) Ya iscuji con ele si Jesus como un apostol. Ta confia con ele si Jesus poreso con ele ya encarga el cajon de sen. Si Jesus y el maga apostoles ta usa con ese sen na diila gastos na predicacion. Igual este na donacion que ta dale kita na worldwide work na diaton tiempo ahora. Pero despues del cuanto tiempo, ya principia ruba si Judas maskin pa pirmi le ta oi con el aviso de Jesus acerca na pagka-hambriento. (Mar. 7:22, 23; Luc. 11:39; 12:15) Ya ignora si Judas con ese maga aviso.
13. Cuando ya queda mas claro el pagka-hambriento de Judas?
13 El pagka-hambriento de Judas mas ya queda claro durante el un suceso cuanto tiempo antes del muerte de Jesus. Si Jesus y el de suyu maga dicipulo, incluido si Maria y el de suyu hermana, si Marta, amo maga visita na casa del un leproso, si Simon. Cuando ta come sila, si Maria ya levanta y ya vacia na cabeza de Jesus con el oloroso aceite que bien caro. Si Judas y el otro maga dicipulo ya queda bien consumido. El otro maga dicipulo posible ya pensa que puede era usa con el sen na ministerio. Pero, otro el motivo de Judas. Ele “un ladron” y quierre le ruba na cajon de sen. Na uliji, el pagka-hambriento ya manda move con Judas que traiciona con Jesus encambio na cantidad que ta paga na un esclavo.—Juan 12:2-6; Mat. 26:6-16; Luc. 22:3-6.
14. Paquemodo ya aplica el maridable con el leccion que puede incuntra na Lucas 16:13?
14 Ya hace acorda si Jesus con el de suyu maga siguidores este importante verdad: “No puede ustedes sirvi con Dios y con el cen.” (Le con el Lucas 16:13.) Deverasan siempre se maskin ahora. Considera si paquemodo el un maridable de Romania ya aplica con el cosa ya habla si Jesus. Ya ofrece kanila que trabaja temporario na un mas rico nacion. “Tiene kame grande debe na banco que necesita paga poreso del primero, ya pensa kame que bendicion este trabajo estaba con Jehova,” ya admiti sila. Pero, tiene problema. El trabajo hay queda sanggadura na diila servicio con Jehova. Despues le con el articulo “Maintain Loyalty With a Unified Heart” na The Watchtower del Agosto 15, 2008, ya hace sila el diila decision. Ya relata sila: “Si el diamon motivo que trabaja na otro nacion amo para tene manada sen, ta hace kame segundo na diamon vida el diamon relacion con Jehova. Asigurao, hay queda malo el diamon espiritualidad.” Poreso, nuay sila acepta con el trabajo. Cosa ya sucede? Ya puede incuntra el marido un trabajo na diila mismo nacion que ta puede suporta con el diila necesidad. El mujer ya habla: “Gendeh corto el mano de Jehova.” Alegre este maridable cay ya sirvi sila con Jehova en vez con el sen.
EVITA CON EL MAGA TRAMPA DE SATANAS
15. Porque kita puede asigura que puede kita escapa na trampa de Satanas?
15 Paquemodo si ya puede kita sabe que ya queda ya kita orgulloso o hambriento? Puede kita escapa! Si Pablo ya habla que aquellos con quien ‘ya puede cuji’ el Diablo, puede siempre escapa na de suyu trampa. (2 Tim. 2:26) Ansina el cosa ya sucede con David. Ya oi le con el consejo de Natan, ya arripinti na de suyu pagka-hambriento y ya arregla con el de suyu amistad con Jehova. Acorda que mas poderoso si Jehova contra con Satanas. Poreso si acepta kita con el ayuda de Jehova, puede kita escapa na maskin cosa trampa que ya pone el Diablo.
16. Cosa puede ayuda kanaton para evita con el maga trampa de Satanas?
16 En vez escapa lang na maga trampa de Satanas, mas bueno si evita kita con ese todo. Puede lang se kita hace na ayuda del Dios. Pero, gendeh kita debe queda campante! Maskin el maga siervo de Jehova quien ya dura ya ta sirvi con ele, ya queda siempre orgulloso o hambriento. Poreso, pidi con Jehova cada dia que ayuda contigo identifica si ese maga umalin calidad ta principia ya influencia na de tuyu pensamiento y maga accion. (Sal. 139:23, 24) Pricura hace esfuerzo que no queda orgulloso o hambriento!
17. Cosa el cerca ya sucede con el diaton contrario, el Diablo?
17 Por miles de año ya pajareador si Satanas. Pero gendeh dura, hay amarra con ele y na uliji, hay destroza. (Rev. 20:1-3, 10) Ta espera gayot kita con ese tiempo. Mientras tanto, esta alerto na maga trampa de Satanas. Hace el todo para gendeh queda orgulloso o hambriento. Queda determinao que “resisti . . . con el Demonio, y ay desaleja le con ustedes.”—Sant. 4:7.
CANCION 127 The Sort of Person I Should Be
^ par. 5 Si Satanas igual na un experienciao pajareador. Ta pricura le kanaton cuji maskin paquemodo de tarda ya kita ta sirvi con Jehova. Na este articulo, hay considera kita si paquemodo si Satanas ta usa con el orgullo y pagka-hambriento para destroza con el diaton relacion con Dios. Hay aprende tambien kita si paquemodo el cuanto ya queda orgulloso y hambriento, y hay mira kita si paquemodo kita puede evita con ese maga trampa.
^ par. 2 SI COSA QUIERRE DECIR: Na este articulo, hay concentra kita con el gendeh justo orgullo, el sentido que mas bueno el un persona que con otro y el pagka-hambriento, el sobra deseo na sen, poder, sexo o otro pa maga cosas.
^ par. 53 DETALLE DE LETRATO: Orgulloso el un hermano y nuay acepta con el direccion. El un hermana manada cosa ta carga y quierre pa cumpra manada cosas.
^ par. 55 DETALLE DE LETRATO: Maskin el un angel ya queda orgulloso y amo tambien si Rey Ozias. El pagka-hambriento amo el razon si porque ya come si Eva con el fruta del pono que ya prohibi, si porque ya comete adulterio si David con Batseba y si porque ya ruba sen si Judas.