Puede lang perdona con el diaton maga culpa por medio na sangre que ya sacrificia si Jesus como rescate. (Ef. 1:7) Pero, el Biblia ta habla: “Por causa na de suyu paciencia, ya perdona [el Dios] con el maga pecado que ya hace de antes,” quierre decir, antes pa ya dale si Jesus con el rescate. (Roma 3:25, NWT) Paquemodo se ya hace si Jehova mientras ta mentena con el de suyu perfecto justicia?

Na mirada de Jehova, dol ya paga ya con el rescate cuando ya decidi le que hay dale le un “descendiente” quien hay salva con el maga gente. (Gen. 3:15; 22:18) Asigurao gayot el Dios que hay conforma el de suyu unico Anak que dale el rescate na justo tiempo. (Gal. 4:4; Heb. 10:7-10) Cuando taqui na tierra si Jesus, ya dale con ele si Jehova el autoridad para perdona con el maga culpa antes pa le dale con el rescate. Ya hace le se cay sabe le que el de suyu sacrificio puede tapa con el diila maga culpa.—Mat. 9:2-6.