El cuanto profecia na este chart ta discuti con el maga suceso que ya sucede na igual tiempo. Ta dale este prueba que ta vivi ya kita “na tiempo del fin.” ​—Dan. 12:4.

• Texto Rev. 11:7; 12:13, 17; 13:1-8, 12

  Profecia “El Grande Animal” ya rula na tierra por cuanto siglo. Na tiempo del fin, ya iri el ika-siete cabeza de este. Na uliji, ya queda este bueno y “todo el maga gente na mundo” ya sigui con ese animal. Si Satanas ya usa con ese animal para anda man guerra con el maga iscujido.

  Cumplimiento Despues del Grande Avenida, ya principia rula el maga gobierno del gente que contra con Jehova. Cuanto siglo despues, el Imperio del Britain ya queda bien mahina durante el Guerra Mundial I. Ya queda este mafuerza otravez cuando yan junto con este el United States. Na tiempo del fin, si Satanas ya usa con el todo gobierno na tierra para persigui con el maga siervo del Dios.

• Texto Dan. 11:25-45

  Profecia Pelea entre el rey del norte y el rey del sur na tiempo del fin.

  Cumplimiento El Germany yan contra con el Britain y con el United States. Del 1945, el Soviet Union y el maga aliado de este ya queda el rey del norte. Del 1991, ya bungca el Soviet Union y despues del cuanto tiempo, el Russia y el maga aliado de este amo el ya queda el rey del norte.

• Texto Isa. 61:1; Mal. 3:1; Luc. 4:18

  Profecia Si Jehova ya imbia con el de suyu “mensajero” para ‘prepara con el camino’ antes establicia con el Mesianico Reino. Este grupo ya principia “declara el buen noticia con el maga sumiso.”

  Cumplimiento Ya principia del 1870, si C. T. Russell y de suyu maga uban ya estudia enbuenamente con el Biblia para sabe si cosa este deverasan ta enseña. Del 1881, ya realiza sila que bien importante para na maga siervo del Dios que predica. Yan imprenta sila maga articulo igual na “Wanted 1,000 Preachers” y “Anointed to Preach.”

• Texto Mat. 13:24-30, 36-43

  Profecia Un contrario el ya siembra sahbut na un simentera de trigo. Ya permiti con el sahbut que crici y tapa con el trigo. Na tiempo de cosecha, ya hace separta con el sahbut na trigo.

  Cumplimiento Desde 1870, mas ya puede conoce si quien el maga verdadero Cristiano y si quien el maga falso Cristiano. Na tiempo del fin, el maga verdadero Cristiano ya queda parte del congregacion y ya hace separta na maga falso Cristiano.

• Texto Dan. 2:31-33, 41-43

  Profecia El imagen que hacido de diferente metal tiene pies de hierro y lodo pandayan.

  Cumplimiento El lodo pandayan ta representa con el maga gente de Britain y United States quien yan rebelde contra con ese maga gobierno. Este maga gente ya hace luya con el poder de este maga gobierno.

• Texto Mat. 13:30; 24:14, 45; 28:19, 20

  Profecia Ya ajunta con el “trigo” na “bodega” y ya iscuji con el fiel y sabio esclavo para queda encargao na maga ayudante. Ya principia predica con el “Buen Noticia acerca del Reino . . . na entero mundo.”

  Cumplimiento Del 1919, ya iscuji con el fiel esclavo para queda encargao na maga siervo del Dios. Desde ese tiempo, mas ya queda activo na trabajo predicacion el maga Estudiante del Biblia. Ahora, el maga Testigo de Jehova ta predica na mas de 200 lugar y ta produci maga publicacion que base na Biblia na mas de 1,000 lengguaje.

• Texto Dan. 12:11; Rev. 13:11, 14, 15

  Profecia El grande animal que tiene dos cuerno amo el ya influencia con el maga gente para hace un imagen del grande animal y ya dale con este “resuello de vida.”

  Cumplimiento El Anglo-American World Power amo el ya principia con el League of Nations. Ya suporta tambien con ese organizacion el otro maga nacion. Desde 1926 hasta 1933, ya queda tambien miembro del League of Nations el rey del norte. Igual con el United Nations (UN) despues de ese, ya dale honor con el League of Nations que debe lang para na Reino del Dios.

• Texto Dan. 8:23, 24

  Profecia Hay lleva “destrozo na terrible manera” el un rey que tiene agresivo ichura.

  Cumplimiento El Anglo-American World Power ya causa grande destrozo y ya mata manada gente. Por ejemplo, durante el Guerra Mundial II, el United States ya causa terrible destrozo cuando ya hace este cae dos atomico bomba na de este contrario nacion.

• Texto Dan. 11:31; Rev. 17:3, 7-11

  Profecia Ya sale na hondura el “colorao brillante” animal que tiene diez cuerno y ya queda el ika-ocho rey. El libro de Daniel ta refiri con este rey como “el maka-asco cosa que ta causa destrozo.”

  Cumplimiento Durante el Guerra Mundial II, ya bungca el League of Nations. Despues del guerra, ya establicia con el UN. Igual con el League of Nations, ya honra tambien con el UN que debe lang para na Reino del Dios. El UN hay ataca con el religion.

• Texto 1 Tes. 5:3; Rev. 17:16

  Profecia Proclama el maga nacion que tiene paz y seguridad y “el dies cuerno pati el Grande Animal” hay ataca con el “Mala Mujer” y destroza con ele. Despues de ese, hay destroza con el maga nacion.

  Cumplimiento El maga nacion hay clama que ya puede sila lleva paz y seguridad na mundo. Despues, el maga nacion que ta suporta con el UN hay destroza con el todo falso religioso organizacion. Amo se el principio del grande tribulacion. Ese tribulacion hay termina na destrozo del entero mundo de Satanas na Armagedon.

• Texto Eze. 38:11, 14-17; Mat. 24:31

  Profecia El Gog hay ataca na tierra del maga siervo del Dios. Despues, el maga angel hay ajunta con el “maga escujido.”

  Cumplimiento El rey del norte y el otro maga gobierno hay ataca con el maga siervo del Dios. Despues principia ese ataque, hay lleva na cielo con el maga iscujido que ya queda aqui na tierra.

• Texto Eze. 38:18-23; Dan. 2:34, 35, 44, 45; Rev. 6:2; 16:14, 16; 17:14; 19:20

  Profecia El “quien ta monta” na “caballo blanco” hay “sigui pa man victorioso” cuando hay destroza le con el Gog y con el de suyu maga soldao. Hay “buta . . . na tanque de fuego” con el “Grande Animal” y hay destroza con el grande imagen.

  Cumplimiento Si Jesus, el Rey del Reino del Dios, hay salva con el maga siervo del Dios. Ele, el 144,000 y el maga angel hay destroza con el alianza del maga nacion que amo el entero mundo de Satanas.