“Si ta sinti yo que nuay yo valor, ta anima conmigo si Jehova por medio na maga cancion na JW Broadcasting^®.”​—Lorraine, U.S.A.

Parte na adoranza del maga Cristiano el “maga cancion espiritual.” (Col. 3:16) Si ya puede tu man memorize con este maga cancion, puede este ayuda contigo maskin nuay tu songbook o gadget. Pruba con este maga sugestion que puede ayuda contigo para man memorize maga cancion.

• Le enbuenamente con el lyrics para entende si cosa quierre decir del cancion. Mas puede tu acorda con el un cosa si ya entende tu si cosa quierre decir de este. Puede mira na jw.org con el maga lyrics del todo diaton maga cancion, incluido el maga original cancion y el maga cancion para na maga bata. Bajo na seccion Library, anda na Musica.

• Escribi con el lyrics. Si hace tu con ese, puede se ayuda contigo para mas acorda con el maga palabra.​—Deut. 17:18.

• Man practice suena. Bira-bira le o canta con el cancion.

• Pruba si ta acorda tu. Pruba acorda con el maga palabra que gendeh ta mira con el lyrics y despues, mira si justo el cosa tu ya acorda.