Quierre ba tu mas beneficia na de tuyu estudiada? Para puede tu concentra, pruba con este maga sugestion:

• Iscuji buen lugar onde puede estudia. Si posible, iscuji un lugar que gendeh calayat y tiene bastante claridad. Puede tu estudia na un desk o mesa, o na un lugar apuera que comfortable tu.

• Iscuji lugar onde tu puede estudia solo. Ya reza si Jesus “na un lugar silencio” mientras “temprano pa gayot.” (Mar. 1:35) Si tiene tu uban na casa, puede tu habla kanila si cuando tu estudia y pidi kanila que no destorba contigo.

• Hace manera para puede concentra. Evita maga cosas que puede destorba contigo. Por ejemplo, si ta usa tu cellphone o tablet para estudia, hace silent con ese o pone na airplane mode. Si ya acorda tu un cosa que necesita tu hace, escribi lang anay con ese para gendeh tu ulvida y hace con ese despues tu estudia. Si dol tan dificil ya tu concentra, descanza unrato na de tuyu estudiada y camina-camina o man stretching.