Ta tormenta ba tu tiene vez acorda con el cosa tu nuevo lang ya estudia? Ta sucede se kanaton todo. Puede contigo ayuda si man repaso tu con el maga importante punto.

Mientras ta estudia tu, dale tiempo para man pause para puede tu pensa con el maga importante idea. Nota si paquemodo si apostol Pablo ya ayuda con aquellos quien ta estudia con el de suyu carta. Ele ya escribi: “Ahora este el quiere decir de todo el que ta habla yo.” (Heb. 8:1, El Nuevo Testamento) Na ese manera, ya ayuda le kanila para entende si cosa le quierre decir y para mira si paquemodo el cada punto conectao na de suyu tema.

Puede tu dale tiempo, posible maga diez minuto na fin del de tuyu estudiada para pensa con el maga importante punto que ya aprende tu. Si gendeh tu ta acorda, puede tu mira otravez con el maga subheading o el primer sentence del cada parapo. Si tiene tu nuevo ya puede aprende, pruba se habla na de tuyu mismo palabra. Si tan repaso tu con el maga importante punto, mas pronto tu se puede acorda. Y mas claro tu puede mira si paquemodo tu se puede aplica na de tuyu vida.