ARTICULO 36
Un Buen Noticia el Armagedon!
“Ya ajunta sila con el maga rey na . . . ‘Harmaguedon.’”—REV. 16:16.
CANCION 150 Seek God for Your Deliverance
PREVIEW *
1-2. (a) Porque un buen noticia el Armagedon para na maga gente? (b) Cosa pregunta kita considera na este articulo?
YA PUEDE ya ba tu oi que ta usa el maga gente con el palabra “Armagedon” para refiri na guerra nuclear y na grande calamidad? Pero, el Biblia ta habla que un buen noticia el Armagedon que puede dale kanaton alegria! (Rev. 1:3) El guerra de Armagedon gendeh hay destroza con el maga gente sino hay salva kanila! Paquemodo?
2 El Biblia ta dale mira que el guerra de Armagedon hay salva con el maga gente cay destroza este con el rulanza del maga gente. Este guerra hay quita con el maga malo y preserva con el maga bueno. Y hay salva este con el maga gente cay protege este con el diaton planeta desde na destrozo. (Rev. 11:18) Para puede kita mas entende, considera kita con este cuatro pregunta: Cosa el Armagedon? Cosa sucede antes llega este? Cosa kita hace para salva? Paquemodo kita esta fiel mientras ta queda este cerca?
COSA EL ARMAGEDON?
3. (a) Cosa quierre decir del palabra “Armagedon”? (b) Base na Revelacion 16:14, 16, porque kita puede habla que el Armagedon gendeh un literal lugar aqui na tierra?
3 Le con el Revelacion 16:14, 16. El palabra “Armagedon” una vez lang puede incuntra na Escritura que quierre decir “el maga Gulud de Megiddo.” (Rev. 16:16; ftn.) El Megiddo amo un ciudad de antes na Israel. (Jos. 17:11) Pero el Armagedon gendeh este ta refiri na un especifico lugar na tierra. Sino, ta refiri este na un situacion que ajunta con “el maga rey na mundo” para man contra con Jehova. (Rev. 16:14) Pero na este articulo, usa tambien kita con el palabra “Armagedon” para refiri na guerra que sucede despues ajunta con el maga rey na mundo. Porque kita puede habla que el Armagedon ta refiri na un simbolico lugar? Una, nuay literal gulud de Megiddo. Ika-dos, el lugar alrededor de Megiddo bien diutay lang si man junto-junto “el maga rey na mundo,” diila maga soldao y maga armas de guerra. Ika-tres, como cosa kita puede sabe na este articulo, el guerra de Armagedon hay principia si “el maga rey” de este mundo hay ataca con el maga siervo del Dios na entero mundo.
4. Porque el Dios ya conecta con el ultimo grande guerra na Megiddo?
4 Porque si Jehova ya conecta con el ultimo grande guerra na Megiddo? Na tiempo del Biblia, manada del maga guerra ta hace na lugar de Megiddo y na Patag Lugar de Jezreel que cerca con ese. Na cuanto ocasion, si Jehova ya ayuda con el de suyu maga siervo para ganá na guerra. Por ejemplo, “na urilla del rio de Megiddo,” el Dios ya ayuda con Barak, un Israelita, para ganá contra na maga Canaanita soldao que ta encabeza si Sisera. Ya rindi gracias con Jehova si Barak y si Debora, que un mujer profeta, cay ya ganá sila na guerra. Sila ya canta: “Estaba na cielo, el maga estrellas yan guerra . . . contra con Sisera. Ya hace kanila anud el rio de Kison.”—Juez 5:19-21.
5. Na cosa manera el guerra de Armagedon diferente na guerra que ya sucede na tiempo de Barak?
5 Na cancion que ya canta si Barak y si Debora, sila ya habla: “Poreso, ojala hay destroza todo el de uste contrario, O Jehova, pero aquellos quien ta ama con uste queda era igual na sol que ta subi y ta brilla.” (Juez 5:31) Durante del Armagedon, hay destroza con el maga enemigo del Dios pero aquellos ta ama con Dios hay salva. Pero, tiene un grande diferencia na ese dos guerra. Na Armagedon, el maga siervo del Dios gendeh man guerra. Gane, gendeh sila carga maga armas! Tiene sila “fuerza si esta [sila] calmao y dale mira confianza” con Jehova y na de suyu maga soldao na cielo.—Isa. 30:15; Rev. 19:11-15.
6. Paquemodo si Jehova destroza con el de suyu maga enemigo na Armagedon?
6 Paquemodo el Dios destroza con el de suyu maga enemigo na Armagedon? Posible usa le diferente manera. Por ejemplo, puede le usa temblor, ulan de hielo y kirlat. (Job 38:22, 23; Eze. 38:19-22) Puede le causa con el de suyu maga contrario para man guerra contra na uno y otro. (2 Cron. 20:17, 22, 23) Y puede le usa con el de suyu maga angel para mata con el maga malo. (Isa. 37:36) Maskin cosa pa manera usa el Dios, ele hay ganá. Hay destroza le todo el de suyu maga enemigo y todo aquellos maga recto hay salva.—Prov. 3:25, 26.
COSA SUCEDE ANTES LLEGA EL ARMAGEDON?
7-8. (a) Asegun na 1 Tesalonica 5:1-6, cosa anuncio hace el maga lider de este mundo? (b) Porque peligroso este imbusterias?
7 El declaracion de “paz y seguridad” antes el “venida del Señor.” (Le con el 1 Tesalonica 5:1-6, El Nuevo Testamento.) Na 1 Tesalonica 5:2, el “venida del Señor” o el dia de Jehova ta refiri na “grande tribulacion.” (Rev. 7:14, NW) Paquemodo kita puede sabe que hay principia ya el tribulacion? El Biblia ta habla que tiene un gendeh ordinario anuncio que hace. Este hay sirvi como un señal que hay principia ya el grande tribulacion.
8 Este amo el declaracion de “paz y seguridad.” Porque man se habla el maga lider de este mundo? Hay man junto ba kanila el maga lider de religion? Posible. Pero este declaracion amo un imbusterias que estaba na
maga demonio. Bien peligroso este imbusterias cay manda este pensa con el maga gente que tiene sila seguridad, pero el deverasan principia ya el grande tribulacion. Si, “un tiro lang ay vene el calamidad de destroso. Ese destruccion ay alcansa canila como un mujer ta dale dolores antes de parir.” Quetal el maga leal siervo de Jehova? Preparao sila maskin pa derepente llega el dia de Jehova.9. Hay destroza ba si Jehova con el mundo de Satanas na un tiempo lang? Explica.
9 Gendeh destroza si Jehova con el entero mundo de Satanas na un tiempo lang, igual na tiempo de Noe. Sino hay destroza le una con el Grande Babilonia, el imperio del falso religion. Despues, na Armagedon, hay destroza le con el otro parte del mundo de Satanas incluido el sistema de politica, militar y negocio. Hay discuti kita con el detalle de este dos importante suceso.
10. Asegun na Revelacion 17:1, 6 y 18:24, porque destroza si Jehova con el Grande Babilonia?
10 “El castigo del Famoso Mala Mujer.” (Le con el Revelacion 17:1, 6; 18:24.) El Grande Babilonia ya causa grande insulto na nombre del Dios. Ta enseña este imbusterias acerca con Dios. Igual na un imoral mujer, el falso religion gendeh fiel con Jehova cay ta suporta este na gobierno de gente. Este falso religion ta usa con el de suyu poder y con el de suyu influencia para hace sen con el de suyu maga miembro. Y ya mata este manada gente, incluido ya el cuanto siervo del Dios. (Rev. 19:2) Paquemodo destroza si Jehova con el Grande Babilonia?
11. Cosa el “Grande Animal colorao brillante” y paquemodo el Dios hay usa con este contra con el Grande Babilonia?
11 Hay destroza si Jehova con el “Famoso Mala Mujer” por medio del “dies cuerno” del “un Grande Animal colorao brillante.” Este grande animal ta representa con el United Nations. El diez cuerno ta representa con el maga gobierno que ta suporta con ese organizacion. Na justo tiempo del Dios, este maga gobierno hay ataca con el Grande Babilonia. Rev. 17:3, 16) El destrozo hay sucede derepente igual como un dia lang. Poreso aquellos quien ta suporta con el falso religion hay queda espantao cay este yan hambug y ya habla: “Sintao yo na mi trono como un reina. Gendeh yo un viuda. Gendeh yo ay man dolor.”—Rev. 18:7, 8.
“Ay deja sila con ele solo y ay quita sila el disuyo camisa” cuando hay saca sila con el de suyu riqueza y dale mira con todo si paquemodo le de malo. (12. Cosa gendeh permiti si Jehova que hace el maga nacion y porque?
12 Gendeh permiti el Dios con el maga nacion que destroza con el de suyu maga siervo. Alegre sila lleva con el de suyu nombre y ya obedece sila con el de suyu mandamiento que sale na Grande Babilonia. (Act. 15:16, 17; Rev. 18:4) Ya hace tambien sila esfuerzo para ayuda con otro para sale alli. Poreso, el maga siervo del Dios gendeh “ay tene parte na disuyo maga castigo.” Pero hay pone siempre na probanza con el diila fe.
Maskin onde sila ta queda, el maga siervo del Dios hay confia con ele si principia ya el ataque (Mira con el parapo 13) *
13. (a) Con quien ta refiri el Gog? (b) Asegun na Ezequiel 38:2, 8, 9, cosa causa con el Gog para ataca na maga siervo del Dios?
13 El ataque del Gog. (Le con el Ezequiel 38:2, 8, 9.) Despues destroza con el todo falso religion, el maga siervo del Dios hay queda igual na un pono que ya esta parao despues del fuerte viento. Asigurao, hay rabia gayot si Satanas. Hay usa le con el “espiritu masucio”—el falso informacion estaba na maga demonio que causa con el alianza del maga nacion para ataca con el maga siervo de Jehova. (Rev. 16:13, 14) Este alianza ta llama “Gog na tierra de Magog.” Si este maga nacion hay ataca con el maga siervo de Jehova, hay principia ya el guerra de Armagedon.—Rev. 16:16.
14. Cosa hay realiza el Gog?
14 El Gog hay confia con el de suyu fuerza militar. (2 Cron. 32:8) Hay confia kita con Jehova el diaton Dios—un cosa que dol locuras para na maga nacion. Porque? Cay maskin poderoso el Grande Babilonia, el de suyu maga dios nuay con ele puede salva desde na “Grande Animal” y na “dies cuerno”! (Rev. 17:16) Poreso, hay pensa el Gog que facil lang destroza con el maga siervo del Dios. “Igual na celaje que ta tapa con el tierra,” ele hay ataca kanila. (Eze. 38:16) Pero gendeh dura, hay realiza el Gog que ta marcha le para na un trampa. Igual na cosa ya sucede con el Faraon na Colorao Mar, hay realiza el Gog que tan contra le mismo con Jehova.—Ex. 14:1-4; Eze. 38:3, 4, 18, 21-23.
15. Cosa hace si Jesus na guerra de Armagedon?
15 El Cristo, junto con el de suyu maga soldao na cielo, hay protege con el maga siervo del Dios y destroza completamente con el maga nacion y el maga fuerza militar de este. (Rev. 19:11, 14, 15) Pero cosa hace con Satanas, el numero uno enemigo de Jehova, quien yan imbusterias para ataca el maga nacion con el maga siervo del Dios durante el Armagedon? Si Jesus hay buta con ele junto con el de suyu maga demonio na hondura, donde hay hace preso kanila por un mil año.—Rev. 20:1-3.
COSA TU HACE PARA SALVA NA ARMAGEDON?
16. (a) Paquemodo kita dale mira que “conoce [kita] con Dios”? (b) Porque un bendicion que conoce kita con Jehova si llega el Armagedon?
16 Nuevo man kita na verdad o tarda ya, debe kita “conoce con Dios” y “acepta el Buen Noticia del diaton Señor Jesucristo” para salva na Armagedon. (2 Tes. 1:7-9) “Conoce [kita] con Dios” si sabe kita cosa le quierre, gendeh quierre y de suyu maga principio. Ta dale tambien kita mira que conoce kita con ele si ta ama, ta obedece y ta dale kita con ele el diaton exclusivo devocion. (1 Juan 2:3-5; 5:3) Si ta dale kita mira que conoce kita con Dios, tiene kita el privilegio que conoce kanaton el Dios y amo se el puede salva kanaton na Armagedon! (1 Cor. 8:3) Porque? Cay si conoce kanaton el Dios, hay tiene kita el de suyu favor.
17. Cosa quierre decir que obedece con el “Buen Noticia del diaton Señor Jesucristo”?
17 Incluido na “Buen Noticia del diaton Señor Jesucristo” el todo verdad que ya enseña si Jesus que puede kita le na Palabra del Dios. Ta obedece kita con el buen noticia si ta aplica Mat. 6:33; 24:14) Debe tambien kita suporta con el maga iscujido hermano del Cristo mientras ta hace sila con el diila maga importante responsibilidad.—Mat. 25:31-40.
kita con este na diaton vida. Incluido na ese obediencia que hace kita una el interes del Reino, vivi asegun na alto principio del Dios y predica acerca na de suyu Reino. (18. Na cosa manera hay premia el maga iscujido hermano del Cristo con el suporta que ya dale kanila?
18 Gendeh dura, el maga iscujido siervo del Dios hay dale premio con el “otro maga carnero” por causa na suporta que ya dale sila. (Juan 10:16) Paquemodo? Antes principia el guerra de Armagedon, el todo del 144,000 hay resucita para na cielo como maga imortal espiritu. Queda sila parte del maga soldao na cielo quien hay destroza con el Gog y protege con el grande grupo de maga siervo de Jehova. (Rev. 2:26, 27; 7:9, 10) Un grande privilegio gayot que puede suporta con el maga iscujido siervo de Jehova mientras taqui pa sila na tierra!
PAQUEMODO KITA ESTA FIEL MIENTRAS TA QUEDA CERCA EL FIN?
19-20. Maskin pa manada kita dificultad, paquemodo kita esta fiel mientras ta queda cerca el Armagedon?
19 Na este ultimo maga dia, manada del maga siervo de Jehova el ta experiencia maga dificultad. Maskin pa ansina, puede siempre kita queda alegre. (Sant. 1:2-4) El un manera que puede ayuda amo el con todo corazon rezo. (Luc. 21:36) Y puera na rezo, necesita tambien kita estudia con el Palabra del Dios cada dia y medita con ese, incluido el maga profecia que cerca ya cumpli. (Sal. 77:12) Si hace kita este maga cosas y hace el todo lo que puede na ministerio, hay esta fuerte el diaton fe y esperanza na futuro.
20 Imagina si cosa tu sinti si nuay mas ya el Grande Babilonia y si ya acaba ya el Armagedon! Mas pa, imagina si paquemodo tu de alegre si todo gente hay vindica ya con el nombre del Dios y el de suyu soberania! (Eze. 38:23) Si, el Armagedon un buen noticia para con aquellos conoce con Dios, ta obedece con el de suyu Anak y hay aguanta hasta na fin.—Mat. 24:13.
CANCION 143 Keep Working, Watching, and Waiting
^ par. 5 El maga siervo de Jehova ya dura ya ta espera con el Armagedon. Na este articulo, hay considera kita si cosa el Armagedon, cosa sucede antes llega este y si paquemodo kita esta fiel mientras ta queda este cerca.
^ par. 71 DETALLE DE LETRATO: El maga suceso que hay sucede alrededor kanaton. Kita hay (1) participa na ministerio mientras posible, (2) continua estudia con el Biblia y (3) continua confia que dale proteccion si Jehova.
^ par. 85 DETALLE DE LETRATO: Para entra ya el maga polis na casa del un Cristiano familia quien ta confia que sabe si Jesus y el de suyu maga angel si cosa ta sucede.