El maga mayores tiene grande responsibilidad para enseña con el diila maga anak acerca con Jehova. (Ef. 6:4) Para puede ayuda kanila, el organizacion de Jehova ya hace manada articulo, video y cancion. Paquemodo tu puede usa con este para man train con el de tuyu maga anak?

• Anda na jw.org. Ta contene este maga material que ya diseña para na maga jovenes, incluido el maga video y maga cosas para le. a Para puede incuntra con ese, man type con el palabra “Bata” o “Teenager” na search bar.

• Iscuji material que justo para na de tuyu anak. El cosa yan publish bajo na seccion “Maga Bata” puede ayuda contigo que hace con ese.

• Dale tiempo que discuti con ese junto na de tuyu maga anak. Evita usa con el diaton maga video o articulo para tiene lang sila cosa hace. Sino, discuti este junto kanila y ayuda kanila que tene buen relacion con Jehova.