Mientras ta prepara kita para estudia, puede kita pregunta con el diaton mismo cuerpo, ‘Cosa gaha yo puede aprende?’ Pero maskin pa tiene kita idea si cosa kita hay aprende, gendeh se quierre decir que nuay mas ya kita cosa nuevo aprende. Cosa kita hace para pone atencion na cosa kanaton quierre enseña si Jehova?

Reza que dale contigo sabeduria. Pidi con Jehova que ayuda contigo entende si cosa le quierre enseña contigo ahora. (Sant. 1:5) Evita que confia na cosa ya tu daan sabe.—Prov. 3:5, 6.

Permiti que afecta contigo el poder del Biblia. “El Palabra del Dios vivo.” (Heb. 4:12) Cada vez le kita con el “Palabra del Dios,” puede este influencia kanaton na diferente manera. Pero, sucede lang se si admiti kita que necesita kita aprende con el cosa ta enseña kanaton el Dios.

Aprecia con el todo cosa que ya prepara si Jehova. Ya compara con el de suyu espiritual comida na “un banquete de maga iscujido comida.” (Isa. 25:6) No ignora con el maga “comida” que no quierre tu. Cay puera que hay beneficia tu, hay queda tambien tu alegre na maga espiritual comida que ya dale contigo si Jehova!