Maga Problema que Ta Guia Para na Esperanza

“Ay tene maga dificultad na ultimo maga dia.”​—2 TIMOTEO 3:1.

YA PUEDE ba tu oi o mira uno de este maga maka-triste suceso?

● Un grabe enfermedad que ya curta con el vida del manada.

● Escasez de comida que ya causa con el muerte del bien manada gente.

● Un temblor que ya mata con el miles y ya causa con el manada para queda nuay casa.

Na siguiente pagina, puede tu mira con el cuanto maga detalle acerca na maga suceso igual de este. Hay puede tambien tu sabe que el Biblia ya predicta con ese maga suceso na tiempo que ta llama “ultimo maga dia.”

Pero, gendeh proposito de este maga articulo que convinci contigo que ta vivi kita na mundo que lleno de problema. Posible, personal tu ya puede experiencia con este maga problema. Sino, ya diseña con este maga articulo para dale contigo esperanza. Hay dale este mira que el cumplimiento de este seis profecia quierre decir que cerca ya acaba el “ultimo maga dia.” Este serie hay considera tambien con el cuanto idea del maga gente que gendeh uyun na este evidencia y hay dale este buen razon para creé que tiene kita buen esperanza na futuro.