Profecia 1. Temblor

“Ay tene donde-donde maga grande temblor.”​—LUCAS 21:11.

● Si Winnie, maga un año y media el edad, ya salva cuando yan temblor na Haiti. El un grupo de TV reporter ya puede oi que ta llura le. Ya salva le na temblor pero el de suyu mayores nuay.

COSA TA DALE MIRA EL MAGA REPORT? Cuando el magnitude 7.0 temblor ya sucede na Haiti del Enero 2010, mas de 300,000 gente el ya muri. Y 1.3 millon gente el bigla lang ya queda nuay casa. Maskin pa bien grabe quel temblor ya sucede na Haiti, uno lang quel del maga 18 grabe temblor que ya sucede na entero mundo desde Abril 2009 hasta Abril 2010.

COSA TA HABLA EL CUANTO? Gendeh kita ta experiencia mas manada temblor. Pero por causa na moderno tecnologia, mas pronto lang kita ta sabe ahora contra na maga gente de antes.

DEVERASAN BA SE? Considera este: El Biblia nuay habla si paquemodo de manada temblor el sucede durante el ultimo maga dia. Sino, este ta habla que “maga grande temblor” hay sucede “donde-donde.” Este claro ta dale mira que ta vivi ya kita na ultimo maga dia.​—Marcos 13:8; Lucas 21:11.

PARA CONTIGO? Ta mira ba kita ahora con el maga grande temblor, igual como cosa ya predicta el Biblia?

El maga temblor gendeh lang amo el evidencia que ta vivi ya kita na ultimo maga dia. Considera kita ahora con el segundo profecia.

“Kame [maga geophysicist] ta llama con este maga grande temblor. El los demas ta llama con este maga grabe tragedia.”​—KEN HUDNUT, U.S. GEOLOGICAL SURVEY.

[Picture Credit Line]

© William Daniels/​Panos Pictures