Profecia 6. Predicacion na Entero Mundo

“Este Buen Noticia acerca del Reino ay anuncia na entero mundo.”​—MATEO 24:14.

● Si Vaiatea ta queda na un Pacific island, na Tuamotu Archipelago. Maskin pa el Tuamotu tiene cerca 80 diutay isla que calayat na mas de 802,900 sq km, tiene lang este maga 16,000 gente. Pero, ya puede siempre visita el maga Testigo de Jehova con Vaiatea y con el de suyu maga vecinos. Porque? Cay el maga Witness quierre manda sabe el buen noticia acerca na Reino del Dios na todo gente​—maskin onde man sila ta queda.

COSA TA DALE MIRA EL MAGA REPORT? El mensaje del Reino ya llega na todo parte del mundo. Na 2010 lang daan, el maga Testigo de Jehova ya usa mas de 1.6 billon hora para predica con el buen noticia na 236 lugar. Na average, el cada uno Witness ta predica 30 minuto cada dia. Del ya pasa decada, ya puede sila produci y distribui mas de 20 billon copia de literatura que base na Biblia.

COSA TA HABLA EL CUANTO? Miles de año ya ta predica con el mensaje del Biblia.

DEVERASAN BA SE? Deverasan, manada el ya predica con el mensaje del Biblia. Pero, el mayoria ya hace con este por corto tiempo y na cuanto lugar lang. Pero, diferente el maga Testigo de Jehova quien ya puede organiza con el predicacion na entero mundo que ya llega na millones de gente. Ya puede sila continua predica maskin pa na grabe oposicion estaba na maga poderoso y brutal organizacion de gente desde antes. (Marcos 13:13) Omento pa, nuay paga con el maga Testigo de Jehova para predica. Sino, voluntario sila ta usa con el diila tiempo y nuay pago el diila literatura. El diila trabajo ta suporta por medio na voluntario donacion.

PARA CONTIGO? El “Buen Noticia acerca del Reino” ba ya predica ya na entero mundo? El cumplimiento ba de este profecia quierre decir que tiene bonito cosas hay sucede na futuro?

[Blurb]

“Mientras ta permiti pa si Jehova, continua kita activo predica con el buen noticia acerca del Reino usando el todo manera para predica con el maga gente.”​—2010 YEARBOOK OF JEHOVAH’S WITNESSES.