1. Tiene un libro que el Dios ya dale

Como regalo na humanidad.

Tiene este el su sabeduria

Que ta guia para na claridad.

Este tesoro que amo el Biblia,

Maga fiel gente ’ste ya escribi.

El Dios kanila el ya dale guia

Para con ele puede ’ta oi.

2. Ya relata sila el Su trabajo—

Si paquemodo todo ya crea.

Ya hace Le perfecto maridable

Pero sila ya desobedece.

Y un angel yan contra con Jehova;

Su soberania ’ste ya cuestiona.

Imperfeccion y muerte el resulta

Pero el Dios kanaton hay libra.

 3. Tiene razon para queda alegre;

Hay rula ya na tierra si Jesus.

Ta predica kita este noticia—

Que Reino de Jehova hay reina.

Este diaton ’spiritual comida

Como banquete Dios ta ofrece;

Y cada dia debe le con ese

Para puede kita beneficia.