ESTA ALERTO!
2022: Un Año de Dificultad—Cosa el Biblia Ta Habla?
Durante el 2022, pirmi kita ta oi maga noticia acerca na guerra, problema na economia y maga calamidad. Solamente el Biblia ta explica si cosa quierre decir de este maga suceso.
Si cosa quierre decir del maga suceso del 2022
El maga suceso del ya pasa año amo omento prueba que ta vivi ya kita na tiempo que ya llama el Biblia “ultimo maga dia.” (2 Timoteo 3:1, El Nuevo Testamento na Chavacano) Ese tiempo ya principia del año 1914. Nota si paquemodo el maga reciente suceso tan tupajan na cosa el Biblia ya predicta acerca na diaton tiempo:
“Maga guerra.”—Mateo 24:6.
“El 2022 amo el tiempo que el Europe ya experiencia otravez con el grabe efecto del guerra.” a
Mira con el articulo “Russia Invades Ukraine.”
“Maga calamidad de hambre.”—Mateo 24:7.
“2022: Un Año que Donde Manada el Quien Ya Experiencia Hambre.” b
Mira con el articulo “Mas Grabe el Escasez de Comida Por Causa na Guerra na Ukraine.”
“Epidemia.”—Lucas 21:11, El Nuevo Testamento.
“Ya bira otravez el enfermedad de polio, ya tene monkeypox y el COVID-19 ya continua tiene grabe efecto na maga gente. Ese maga cosas ta dale mira si paquemodo de peligroso el maga contagioso enfermedad y si paquemodo de facil el maga gente puede tene ansina enfermedad.” c
Mira con el articulo “6 Millon el Ya Muri na COVID.”
“Maga cosa-cosa bien maca-miedo gayot.”—Lucas 21:11.
“Asigurao gendeh puede ulvida con el Summer del 2022 por causa na maga grabe clima—sobra calor, secas, quema na monte y maga grande avenida—que ya resulta na maga destrozo, muerte y ya causa para queda nuay casa el manada del maga gente na entero mundo.” d
Mira con el articulo “Bien Alto Temperatura na Entero Mundo.”
“Maga revolucion.”—Lucas 21:9.
“Bien rabiao el maga gente por causa na maga problema na economia, especialmente na subida del precio del maga cosa. Por causa con ese, mas ta queda manda el maga protesta contra na gobierno del 2022.” e
Mira con el articulo “Subida del Precio de Maga Cosas na Entero Mundo.”
Cosa hay sucede na otro año?
Nuay ni uno el quien puede habla si cosa hay sucede na 2023. El cosa kita sabe, amo que el Reino del Dios o gobierno na cielo hay lleva grande cambio aqui na tierra. (Daniel 2:44) Ese gobierno hay quita con el causa del maga sufrimiento del gente y por medio con ese hay cumpli el Dios con el de suyu voluntad aqui na tierra.—Mateo 6:9, 10.
Ta anima kame contigo que sigui con el consejo de Jesucristo y “bicia embuenamente” si paquemodo el maga suceso na mundo ta cumpli con el profecia na Biblia. (Marcos 13:37) Pabor man contact kanamon para sabe mas acerca si paquemodo el Biblia puede ayuda contigo ahora y si paquemodo este puede dale contigo y na de suyu familia deverasan esperanza para na futuro.
a AP News, “2022 Was Year the Horror of War Returned to Europe,” de Jill Lawless, Deciembre 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” de Lawrence O. Gostin, JD, Septiembre 22, 2022.
d Earth.Org, “What’s Behind the Record-Breaking Extreme Weather Events of Summer 2022?” de Martina Igini, Octubre 24, 2022.
e Carnegie Endowment for International Peace, “Economic Anger Dominated Global Protests in 2022,” de Thomas Carothers y Benjamin Feldman, Deciembre 8, 2022.
Baka Gusta Tambien Tu
CONTESTACION NA MAGA PREGUNTA ACERCA NA BIBLIA
Cosa el Señal del “Ultimo Maga Dia” o “Tiempo del Fin”?
El Biblia ya menciona manada cosas que junto-junto sucede que amo el señal del ultimo maga dia.
ESSENTIAL BIBLE TEACHINGS
Cosa el Reino del Dios?
Durante el de suyu ministerio, manada beses ya enseña si Jesus acerca na Reino del Dios. Por cuanto siglo, el maga gente ta reza que ojala llega ya ese Reino.
ACERCA KANAMON
Man Request que Visita Contigo
Discuti un pregunta na Biblia o sabe mas acerca con el maga Testigo de Jehova.
