El maga gente na entero mundo ta experiencia bien caliente tiempo y otro maga calamidad por causa na bien alto temperatura. Nota con el maga siguiente report:

•   “Este el de con todo caliente temperatura na mes de Junio desde ya principia man record con el maga temperatura na entero mundo, 174 año ya el ya pasa.”—National Oceanic and Atmospheric Administration, U.S. Department of Commerce, Julio 13, 2023.

•   “El Italy, Spain, France, Germany y Poland ta experiencia bien alto temperatura y posible este alcanza hasta 48°C [118°F] na maga isla de Sicily y Sardinia. Ese posible el de con todo alto temperatura que ya puede man record na Europe.”—European Space Agency, Julio 13, 2023.

•   “Mientras ta queda caliente el planeta, ta expecta kita que queda mas pirmi y mas fuerte el ulan donde queda tambien este causa del mas manada grabe avenida.”—Stefan Uhlenbrook, director na World Meteorological Organization, Julio 17, 2023.

 Tan lingasa ba tu por causa na este maga report acerca na grabe clima? Considera si cosa ta habla el Biblia acerca na este importante topico.

 Si. El grabe clima y el bien alto temperatura exacto gayot na cosa ya predicta el Biblia que hay sucede na diaton tiempo. Por ejemplo, ya predicta si Jesus que puede kita mira “maga cosa-cosa bien maca-miedo.” (Lucas 21:11; El Nuevo Testamento na Chavacano) Manada gente el ta tene miedo que destroza el tierra por causa cay ta queda mas alto el temperatura na entero mundo.

 Gendeh. Ya crea el Dios con el tierra para queda el permanente lugar onde kita queda; gendeh le permiti con el maga gente que destroza con este. (Salmo 115:16; Eclesiastes 1:4) Gane, ya promete le que hay “destroza . . . con el maga destrozador del mundo.”—Revelacion 11:18.

 El Biblia ta dale mira que puede protege el Dios con el tierra desde na maga calamidad y que hay hace gayot le se.

•   “Ta hace [el Dios] descanza con el tifun; ta queda calma el maga marijada del mar.” (Salmo 107:29) Tiene poder el Dios para controla con el maga natural fuerza alrededor. Puede le solva con el maga problema na clima que ta causa con el maga gente para sufri.

•   “Ta cuida tu con el tierra; ya hace tu con este productivo y bien abundancia.” (Salmo 65:9) Na ayuda del Dios, el tierra hay queda un paraiso.

 Para aprende pa mas acerca na promesa del Biblia que restora con el tierra, mira con el articulo “Who Will Save the Earth?”