Mientras ta principia el año 2023, ta esperanza kita todo que tiene maga buen cosas que hay sucede kanaton y na diaton maga familia. Porque kita puede queda positivo acerca na diaton futuro?

 Ta menciona el Biblia acerca el buen noticia que temporario lang el maga problema que ta experiencia kita ahora y cerca ya este termina. Gane, ya escribi con el Biblia “para insiñanza diaton: para ay puede kita tene esperanza . . . y consuelo.”—Roma 15:4, El Nuevo Testamento na Chavacano.

•   Para aprende mas si cosa el Biblia ta promete, le con el articulo “A Real Hope for a Better Tomorrow.”

 El esperanza del Biblia puede queda “igual como un ancla” na diaton vida. (Maga Hebreo 6:19) Puede este ayuda kanaton para gendeh man anud na maga problema y tene positivo mirada y alegria hasta para cuando. Por ejemplo:

•   Sabe si paquemodo el esperanza del Biblia ya puede ayuda con el un hombre quien yan dificil na de suyu adiccion. Mira con el video Nuay Mas Yo Gana na De Mio Vida.

•   Mira si paquemodo el esperanza del Biblia puede ayuda kanaton si ya muri el un persona con quien kita ta ama. Mira con el video Comforta Para na Maga Dolorido.

 Manada gente el ta esperanza que tiene maga buen cosas que hay sucede pero gendeh sila asigurao si sucede ba gayot se. Diferente con ese el maga promesa del Biblia. Porque? Cay ese maga promesa estaba mismo con Dios Jehova, a quien “gendeh ta habla imbusterias.” (Tito 1:2) Si Jehova lang el tiene poder para cumpli con el todo de suyu promesa; puede le hace “el todo cosa le quierre hace.”—Salmo 135:5, 6.

 Alegre kame ta invita contigo para beneficia na esperanza del Biblia que asigurao sucede gayot. Puede tu hace fuerte con el de tuyu confianza con este si “estudia [tu] el maga Escritura.” (Maga Actividad 17:11) Pruba con el diamon libre estudiada del Biblia. Principia con el año 2023 que tiene positivo mirada acerca na futuro!