Manada el ta pensa que nuay solucion el maga problema que hay enfrenta el maga gente na año 2024. Pero, tiene siempre kita esperanza na futuro. Onde se kita puede incuntra?

 El Biblia ta promete que hay solva el Dios con el maga problema que ta hace dificil con el diaton vida ahora. Gendeh dura, “ay limpia [el Dios] el lagrimas na [diaton] maga ojos y nunca mas ay tene muerte, ni dolor, ni tristeza.”—Revelacion 21:4, El Nuevo Testamento na Chavacano.

•   Para sabe pa mas acerca na maga promesa del Dios na futuro, le con el articulo “A Real Hope for a Better Tomorrow.”

 El esperanza que ta dale el Biblia puede ayuda contigo para quita con el maga negativo sentido y para queda mas positivo na vida. (Roma 15:13) El maga practical consejo na Biblia puede tambien ayuda contigo para enfrenta con el maga problema que posible tiene tu ahora, igual na pobreza, injusticia y enfermedad.

•   Sabe si paquemodo el esperanza del Biblia ya puede ayuda con el un hombre para tene paz y alegria maskin pa ya engranda na pobreza. Mira con el video Juan Pablo Zermeño: Si Jehova Ya Dale Proposito con el De Mio Vida.

•   Sabe si paquemodo puede ayuda contigo el Biblia si tan conciencia tu, triste, tan lingasa y dolorido. Le con el articulo “Puede Ba Dale Comforta Conmigo el Biblia?”

•   Sabe si paquemodo el un mujer soldao ya tene esperanza cuando ya estudia le con el Biblia maskin pa de antes ‘valiente le y nuay queber‘ con otro. Mira con el video I Put Down My Rifle.

 Puede tu queda positivo y el de tuyu familia na año 2024. Sabe pa mas si paquemodo el Biblia puede ayuda contigo. Ta invita kame que pruba tu con el diamon libre estudiada del Biblia. Sabe si paquemodo el Dios puede dale contigo “pensamiento de paz” ahora y buen “futuro y esperanza.”—Jeremias 29:11.