Del Julio 2022, yan report que bien alto el temperatura na diferente parte del mundo:

•   “Por ika-dos beses na este mes, el maga oficial na China ya dale aviso con el maga gente que hay queda bien caliente na cerca 70 maga ciudad.”—Julio 25, 2022, CNN Wire Service.

•   “Por causa cay bien caliente na entero Europe, tiene maga quema na monte que ta sucede na manada nacion.”—Julio 17, 2022, The Guardian.

•   “Del Domingo, manada maga ciudad na United States el tiene alto temperatura contra de antes cay ya tiene heat wave na East Coast y na maga parte del South y Midwest.”—Julio 24, 2022, The New York Times.

 Cosa este todo quierre decir? Hay llega ba el tiempo que gendeh mas kita puede vivi aqui na tierra? Cosa el Biblia ta habla?

 Si. Por ejemplo, ya predicta si Jesus que hay puede kita mira “maga cosa-cosa bien maca-miedo gayot.” (Lucas 21:11; El Nuevo Testamento na Chavacano) Y ansina el maga heat wave que ta sucede na entero mundo. Por causa cay ta subi el temperatura na entero mundo, manada gente el ta tiene miedo que hay queda bien destrozao el tierra por causa na cosa ta hace el maga gente.

 Gendeh. Ya crea el Dios con el tierra para queda un lugar donde queda el maga gente hasta para cuando. (Salmo 115:16; Eclesiastes 1:4) Gendeh le hay permiti con el maga gente que destroza con el tierra sino hay “destroza [le] con el maga destrozador del mundo,” como cosa le ya promete.—Revelacion 11:18.

 Considera dos profecia que ta dale mira si cosa pa ya promete el Dios:

•   “El desierto y el seco tierra hay tene alegria y el patag lugar hay queda alegre y florea igual na safron.” (Isaias 35:1) Gendeh permiti el Dios que queda desierto el tierra donde nuay quien puede queda sino hay restora le con el maga parte del tierra que ya sale destrozao.

•   “Ta cuida tu con el tierra; ya hace tu con este productivo y bien abundancia.” (Salmo 65:9) Na ayuda del Dios, hay queda paraiso el tierra.

 Para aprende pa mas acerca si paquemodo el climate change ta cumpli con el profecia na Biblia, le con el articulo “Climate Change and Our Future—What the Bible Says.”

 Para aprende pa mas acerca na promesa na Biblia que restora con el tierra, mira con el articulo “Who Will Save the Earth?”