Una vez na un año, el maga Testigo de Jehova y el millones del diila maga visita na entero mundo, junto-junto ta comemora con el muerte de Jesus, como cosa le ya manda. (Lucas 22:19) Este ocasion puede ayuda kanaton para aprecia el importancia del cosa ya hace si Jesus cuando ya dale le el de suyu vida para na todo gente. Ta dale tambien este mira si paquemodo el de suyu sacrificio puede afecta con el diaton vida ahora y na futuro.—Juan 3:16.

 Ya puede man tu atende na Comemoracion na este año o nuay, paquemodo tu puede beneficia na sacrificio de Jesus? Ya habla si Jesus que debe kita hace dos importante cosas:

1.  1. Aprende acerca con Dios y con Jesus. Na rezo para na de suyu Tata na cielo, si Jesus ya habla: “Este amo el Vida hasta para cuando: Que ay conoce sila con Uste, el unico y deverasan Dios, y que ay conoce tamen sila con Jesus, el Cristo, con quien Uste ya imvia.”—Juan 17:3, El Nuevo Testamento na Chavacano.

2.  2. Aplica con el cosa tu ya aprende. Si Jesus ya hace claro que necesita kita aplica con el de suyu maga enseñanza na diaton vida. Por ejemplo, na fin del de suyu Sermon na Monte, ya comenda le con aquellos quien “ta oi y ta obedece [con el de suyu] maga palabra.” (Lucas 6:46-48) Na igual manera, na otro ocasion, ele ya habla: “Ahora cay sabe ya ustedes, bien alegre ustedes si ay cumpli ustedes con ese.”—Juan 13:17.

 Quierre ba tu aprende pa mas acerca con Dios y con Jesus? Quierre ba tu maga practical sugestion si paquemodo aplica con el cosa tu ya aprende? Este el cuanto que puede ayuda contigo.

 El diamon libre estudiada del Biblia ya ayuda con el manada gente para examina con el Biblia y aplica con este na diila vida.

•   Visita con el Guided Bible Study Course page para aprende pa mas acerca con este programa.

•   Mira con el video Welcome na De Tuyu Estudiada del Biblia para sabe si paquemodo ta hace el estudiada del Biblia junto na maga Testigo de Jehova.

 El maga Testigo de Jehova tan junto-junto dos beses na un semana na diila lugar de adoranza que ta llama Kingdom Hall. Na este maga miting, ta discuti kame con el Biblia y si paquemodo aplica con el maga enseñanza de este na diaton vida.

 Puede atende el todo na este maga miting; gendeh tu necesita queda un Testigo para puede atende. Depende na circumstancia, puede tu iscuji atende na personal o por medio na videoconference.

•   Mira con el video Cosa Ta Hace na Kingdom Hall? para sabe si cosa tu puede expecta na este maga miting.

•   Busca un miting que cerca contigo por medio que visita con el page Congregation Meetings of Jehovah’s Witnesses.

 Manada articulo y video na este website el puede ayuda contigo para sabe pa mas acerca na maga enseñanza de Jesus y el valor del de suyu muerte.

 Por ejemplo, para sabe si paquemodo ya beneficia el millones de gente na muerte del un persona, le con el articulo “Na Cosa Manera Ta Salva Kanaton si Jesus?” y “Why Did Jesus Suffer and Die?” o mira con el video Porque Ya Muri si Jesus?