Como cosa kita ya puede mira durante el guerra na Ukraine, manada maga lider del Cristiano religion el quien ya participa na guerra. Nota si paquemodo sila ya suporta con aquellos envuelto na guerra:

•   “Debe ricibi honor y apresacion el todo diaton maga soldao quien ta defende con el Ukraine contra na maga enemigo . . . Ta ama, ta suporta y ta reza kame para con ustedes.”—Metropolitan Epiphanius I de Kyiv, asegun na report na The Jerusalem Post, Marzo 16, 2022.

•   “El lider del Russian Orthodox ya hace un especial religioso programa para na maga soldao de Russia del Domingo que donde ya anima le kanila que defende con el diila nacion ‘ciendo solamente el maga de Russia el puede hace con ese’ mientras el Moscow ta continua man guerra na Ukraine.”—Reuters, Abril 3, 2022.

 Debe ba participa el maga Cristiano na guerra? Cosa el Biblia ta habla?

 El Biblia ta dale mira que aquellos quien deverasan ta sigui con Jesucristo gendeh ta participa na guerra.

•   “Devolve el dituyo espada na su baina, cay todo quien ta agarra espada, ta muri na espada.”—Mateo 26:52, El Nuevo Testamento na Chavacano.

   El un persona ba quien ta suporta o ta participa na guerra deverasan ta obedece con el cosa ya habla si Jesus?

•   “Ta dale yo con ustedes un mandamiento nuevo: Ama ustedes con uno y otro. Igual como ta ama yo con ustedes, ansina tamen ustedes ama con uno y otro. Ansina ay sabe todo el maga gente cay ustedes dimio maga dicipulo: Si tiene ustedes amor con uno y otro.”—Juan 13:34, 35.

   El un persona ba quien ta suporta na guerra ta dale mira ansina clase de amor que asegun con Jesus amo el identificacion del de suyu maga dicipulo o siguidores?

 Para na mas informacion, le con el articulo “Is War Compatible With Christianity?”

 Realistico ba para expecta que el maga Cristiano puede evita participa na guerra ahora? Si. El Biblia ya predicta que na diaton tiempo que ya llama “ultimo parte del maga dia,” hay tene maga gente estaba na todo maga nacion quien ‘gendeh mas aprende man guerra’ cay ya aplica sila el maga enseñanza de Jesus.—Isaias 2:2, 4, footnote.

•   Para sabe pa mas, le con el serie de maga articulo que tiene titulo “How Does God View War?” na The Watchtower.

 Gendeh dura, si Jehova, a “el Dios de paz,” hay usa con el de suyu gobierno na cielo para salva con el maga gente “desde na mal tratamiento y na violencia.”—Filipo 4:9; Salmo 72:14.

•   Para sabe si paquemodo, mira con el video Cosa el Reino del Dios?