Tiene manada caso de violencia na Haiti por causa na maga gang. Manada tambien maga crimen que ta sucede na South Africa, Mexico y na otro maga nacion na Latin America. Maskin na maga lugar donde menos ya el violencia, manda siempre gente ta sinti que nuay sila seguridad y tan lingasa cay ta puede sila oi maga noticia acerca na maga gente quien ta destroza con el propiedad del otro.

 Cosa ta habla el Biblia acerca na maga crimen que ta sucede na entero mundo?

 El Biblia ya habla que el maga crimen amo un parte del señal que ta vivi ya kita na “fin del mundo.” (Mateo 24:3, El Nuevo Testamento na Chavacano) Cuando tan cuento le acerca na ese señal, si Jesus ya habla:

•   “El amor ay queda frio na mayor parte del maga gente, mientras ta omenta el maldad.”—Mateo 24:12.

 Ya habla tambien el Biblia que “na maga ultimo dias,” el maga gente “no puede controla el di ila maga mal deseo, bien valiente sila, y hende sila ay ama el maga cosas bueno.” (2 Timoteo 3:1-5, El Nuevo Testamento) Por causa na ese maga custumbre, ta queda manada el crimen na diaton mundo ahora.

 Pero tiene kita esperanza. Ya promete el Biblia que gendeh tarda, nuay mas maga crimen que hay sucede.

•   “Corto tiempo ya lang, el maga malo gendeh mas existi; hay busca tu kanila donde sila ta esta de antes y nuay mas sila alla. Pero el maga sumiso hay hereda con el tierra y hay queda sila bien alegre cay tiene sila incomparable paz.”—Salmo 37:10, 11.

 Aprende pa mas acerca na esperanza que ta dale el Biblia y si paquemodo tu puede asigura que este maga suceso ahora ta cumpli con el maga profecia na Biblia. Considera con este maga articulo.

 “A Real Hope for a Better Tomorrow”

 “Cosa el Señal del ‘Ultimo Maga Dia’ o ‘Tiempo del Fin’?”

 “Did the Bible Predict the Way People Think and Act Today?”