ESTA ALERTO!
El Maga Scientist Yan Adjust con el Doomsday Clock—Cosa el Biblia Ta Habla?
Del Enero 24, 2023, el maga scientist yan adjust con el Doomsday Clock a que mas cerca ya na media noche que ta representa con el fin del mundo.
“El ‘Doomsday Clock’ ta representa con el destruccion que sucede con el maga gente. Del Martes, el maga scientist yan adjust con este que mas cerca na media noche por primer vez por causa na guerra na Ukraine, posibilidad de nuclear war y maga peligro por causa cay ta cambia el clima.”—AFP International Text Wire.
“Ya habla el maga scientist que del Martes, yan adjust con el ‘Doomsday Clock’ 90 segundo para media noche—amo ese el de con todo cerca tiempo del maga gente na armagedon.”—ABC News.
“Un grupo de maga scientist que estaba na diferente maga nacion ya habla que mas na peligro ya ahora el vida del maga gente.”—The Guardian.
Cerca ya ba el fin del maga gente y del diaton planeta? Debe ba kita tene miedo na cosa sucede na futuro? Cosa ta habla el Biblia?
Si cosa sucede na futuro
Asegun na Biblia, “el tierra hay esta hasta para cuando” y tiene maga gente quien “hay esta . . . sila alli hasta para cuando.” (Eclesiastes 1:4; Salmo 37:29) Entonces, el maga gente gendeh puede destroza con el tierra o hace maga cosas na diaton planeta que hay causa para gendeh mas existi el vida aqui.
Pero, ya menciona el Biblia que tiene fin. Por ejemplo, este ta habla que “el mundo . . . ay pasa lang.”—1 San Juan 2:17, El Nuevo Testamento na Chavacano.
Para sabe si cosa quierre decir del fin del mundo na Biblia, le con el articulo “Is the World Coming to an End? What Is the Apocalypse?”
Para sabe si cosa ta habla el Biblia acerca na maga suceso na mundo, le con el articulo “When Will the World End?”
Esta positivo
El Biblia puede ayuda kanaton para esta positivo maskin pa na maga problema na mundo. Paquemodo?
El Biblia ta dale kanaton maga practical consejo. (2 Timoteo 3:16, 17) Por ejemplo, le con el articulo “How to Control Worry” para sabe si paquemodo el Biblia puede ayuda contigo que esta positivo maskin pa tiene tu maga problema.
El Biblia ta dale kanaton esperanza na futuro que puede kita confia. (Roma 15:4) Ta explica este si cosa kita puede expecta que sucede ahora y na futuro que puede ayuda kanaton para esta positivo maskin pa na cosa ta sucede na mundo.
Para mas puede beneficia na Biblia, ta invita kame contigo que pruba con el diamon libre estudiada del Biblia.
a “El Doomsday Clock amo un simbolo que ta usa para dale aviso con el publico acerca si paquemodo de cerca ya kita que destroza con el diaton mundo por causa na maga peligroso tecnologia que kita mismo ya hace. Un representacion este que ta hace acorda kanaton con el maga peligro que debe kita pone atencion si quierre kita que preserva el diaton vida na este planeta.”—Bulletin of the Atomic Scientists.
Baka Gusta Tambien Tu
CONTESTACION NA MAGA PREGUNTA ACERCA NA BIBLIA
Cosa el Guerra de Armagedon?
El palabra Armagedon una vez lang ya aparece na Biblia, pero ta discuti acerca con este guerra na entero Escritura.
ESSENTIAL BIBLE TEACHINGS
Porque Ta Permiti el Dios con el Sufrimiento?
Manada el ta pregunta si porque el mundo lleno de rabia y sufrimiento. El Biblia ta dale contestacion acerca con ese pregunta que puede kanaton dale comforta.
ESSENTIAL BIBLE TEACHINGS
Porque el Dios Ya Crea con el Tierra?
Bien bonito el diaton planeta. Exacto el distancia de este na sol, justo el pagka-inclinao y gendeh bien hinay o paspas el birada de este. Porque ya hace grande esfuerzo el Dios para crea con este bien bonito tierra?
ACERCA KANAMON
Man Request que Visita Contigo
Discuti un pregunta na Biblia o sabe mas acerca con el maga Testigo de Jehova.
