Del Mayo 19, 2022, el United Nations Security Council ya sabe estaba na mas de 75 maga alto oficial que “el escasez de comida por causa na COVID-19 pandemic y climate change mas ta queda grabe como resulta del guerra na Ukraine. Y tiene posibilidad, que queda afectao el cuanto maga lugar.” Nuay dura, el The Economist magasin ya habla que por causa na guerra, el mundo que daan ya tiene manada problema hay mas sufri pa na hambre. El Biblia ya predicta que el escasez de comida hay sucede na diaton tiempo. Pero ta dale tambien este ayuda kanaton si paquemodo enfrenta con ese.

•   Si Jesus ya habla: “Maga nacion ay man guerra contra otro maga nacion, y maga reino ay man guerra contra otro maga reino. Ay tene donde-donde maga calamidad de hambre.”—Mateo 24:7, El Nuevo Testamento na Chavacano.

•   El libro de Revelacion na Biblia ya menciona acerca na cuatro simbolico caballero. El uno na ese maga caballero ta representa con el guerra. El sunod con ese amo el caballero que ta representa con el hambre—el tiempo cuando tormento ya obtene comida y sobra ya ese de caro. “Ya mira yo ta abuya un caballo negro. El quien ta monta ta agarra un pesador. Y ya puede yo oi un voz . . . ta grita: ‘El precio de media ganta de trigo amo el sueldo de un dia. Y el sueldo de un dia amo tamen el precio de un ganta y media de maiz.’”—Revelacion 6:5, 6.

 Este maga profecia acerca na escasez de comida ta cumpli ya ahora na tiempo que ya menciona el Biblia el “ultimo maga dia.” (2 Timoteo 3:1) Para sabe pa mas acerca na “ultimo maga dia” y el cuatro caballero na Revelacion, mira con el video Ya Cambia el Mundo Desde 1914 y le con el articulo “The Four Horsemen—Who Are They?”

•   El Biblia ta contene maga practical consejo que puede ayuda kanaton enfrenta maga dificil situacion, igual si ya subi el precio del comida o si tiene escasez de comida. Mira con el cuanto ejemplo na articulo “How to Live on Less.”

•   El Biblia ta dale tambien kanaton esperanza que queda enbuenamente el situacion. Ta promete este que llega el tiempo, “hay tene abundancia de grano na tierra” y tene manada comida para na todo. (Salmo 72:16) Para sabe pa mas acerca na esperanza na futuro que ya menciona na Biblia y si porque tu puede confia con ese, le con el articulo “A Real Hope for a Better Tomorrow.”