Del Mayo 24, 2022, ya tiene un terrible suceso na Uvalde, Texas, U.S.A. Asegun na The New York Times, “el un hombre ya mata con el 19 maga bata y dos maestra . . . na Robb Elementary School.”

 Maka-triste que comon ya lang el maga ansina suceso ahora. El USA Today ya reporta que na United States pa lang, “tiene 249 incidente de tiroteo na maga escuela del ya pasa año—ese numero el pinaka-alto desde 1970.”

 Porque ta sucede este maga terrible cosas? Paquemodo kita puede enfrenta con ese? Tiene ba esperanza que termina el violencia? El Biblia ta dale kanaton maga contestacion.

•    El Biblia ta habla que ta vivi kita na “ultimo maga dia” donde manada maga gente el “noay lastima” y “salvaje” quien ta hace maga brutal y violente cosas. Ese maga gente “ay queda mas malo.” (2 Timoteo 3:1-5, 13, El Nuevo Testamento na Chavacano) Para sabe pa mas, le con el articulo “Did the Bible Predict the Way People Think and Act Today?”

 Manada gente el ta pregunta, ‘Porque el Dios ta permiti que sucede el maga terrible cosas igual na tiroteo na maga escuela?’ Para sabe el contestacion del Biblia, le con el articulo “Bad Things Happen to Good People—Why?”

•    “Todo el maga cosa-cosa que ya escribi antes pa na maga Escritura amo para insiñanza diaton: para ay puede kita tene esperanza . . . y consuelo que el maga Escritura ta dale.”—Roma 15:4.

 El maga principio na Biblia puede ayuda contigo para enfrenta con el violencia na este mundo. Para na mas informacion, mira con el magasin Awake! que tiene titulo “Will Violence Ever End?”

 Para na cuanto maga sugestion acerca si paquemodo el maga mayores puede ayuda con el diila maga anak para enfrenta maga maka-miedo noticia, le con el articulo “Disturbing News Reports and Your Children.”

•    “Hay salva le kanila desde na mal tratamiento y na violencia.”—Salmo 72:14.

•    “Hay hace sila pilo de arrao con el diila maga espada y con el diila maga lanza hace sila sanggut. El maga nacion gendeh mas alza espada contra otro nacion, ni aprende pa sila man guerra.”—Miqueas 4:3.

 El Dios hay hace el cosas que gendeh ta puede hace el maga gente. El de suyu Reino o gobierno na cielo hay destroza con el todo maga armas y termina con el todo violencia. Para sabe pa mas acerca si cosa hay hace el Reino del Dios, le con el articulo “Under God’s Kingdom ‘Peace Will Abound.’”